اتىراۋدا «جۋسان» وپەراتسياسى بويىنشا ەلگە ورالعان ايەلدەر ماسكا تىگىپ جاتىر

None
None
اتىراۋ وبلىسى. قازاقپارات - اتىراۋدا «جۋسان» وپەراتسياسى بويىنشا ەلگە ورالعان ايەلدەر تەگىن مەديتسينالىق ماسكا تىگىپ تاراتۋدا، دەپ حابارلايدى قازاقپارات.

يگى باستاما «شاپاعات» دەسترۋكتيۆتى ءدىني اعىمداردان جاپا شەككەندەرگە كومەك ورتالىعى» قوعامدىق قورىنىڭ ۇيىمداستىرىلۋىمەن جۇزەگە اسىرىلىپ وتىر.

ماقسات - توتەنشە جاعدايعا بايلانىستى كومەككە مۇقتاج جاندارعا قىزمەت كورسەتۋ، ونىڭ ىشىندە بالالار مەن قارتتار ۇيىنە جانە از قامتىلعان وتباسىلار مەن قالا تۇرعىندارىنا جاردەمدەسۋ.

جۋىردا قولعا الىنعان بۇل باستاماعا ون بەسكە جۋىق ايەل جۇمىلدىرىلعان. ولار كۇنىنە 300 مەديتسينالىق بەتپەردە تىگىپ، حالىققا تاراتادى.

«قۇراندا ءبىر-بىرلەرىڭە جاقسىلىقتا كومەكتەسىڭدەر دەپ جازىلعان. سول ءۇشىن، ءبارىمىز ءبىرىمىز ءۇشىن، ءبىرىمىز ءبارىمىز ءۇشىن دەپ كومەك رەتىندە وسىنداي ءىس اتقارۋدامىز. ماتەريالىن ايتار بولسام، ماقتا ماتادان تىگىلىپ جاتىر. بۇل ماسكالاردى بىرنەشە رەت جۋىپ قايتا پايدالانۋىنا بولادى، - دەيدى «شاپاعات» دەسترۋكتيۆتى ءدىني اعىمداردان جاپا شەككەندەرگە كومەك ورتالىعىنىڭ قىزمەتكەرى پەريزات ەركەباي.

سوڭعى جاڭالىقتار