قاراساي اۋدانىنداعى «اسىل ارمان» تۇرعىن ءۇي كەشەنى تولىق كارانتينگە جابىلۋى مۇمكىن

تالدىقورعان. قازاقپارات - الماتى وبلىسىنىڭ قاراساي اۋدانىنداعى «اسىل ارمان» تۇرعىن ءۇي كەشەنى تولىق كارانتينگە جابىلۋى مۇمكىن، دەپ حابارلايدى قازاقپارات ءتىلشىسى.

«وبلىس اكىمى اماندىق باتالوۆتىڭ تاپسىرماسىمەن قاراساي اۋدانىندا ورنالاسقان «اسىل ارمان» تۇرعىن ءۇي كەشەنىنە وبلىس اكىمىنىڭ ورىنبسارى باتىرجان بايجۇمانوۆ پەن وبلىستىڭ باس سانيتارلىق دارىگەرى قايرات بايمۇحامبەتوۆ جولعا شىقتى. ولار سول جەردە كەشەندى تولىق كارانتينگە جابۋ ماسەلەسىن قاراستىرادى. بۇل جەردە وبلىس اكىمىنىڭ تاپسىرماسىنا ساي، تۇرعىنداردىڭ قاۋىپسىزدىگىن قامتاماسىز ەتۋ، ىندەتتىڭ تارالۋىنا جول بەرمەۋ ماسەلەسىمەن قاتار كەشەن تۇرعىندارىنىڭ قاجەتتىلىگى ماسەلەسى تالقىلانادى. سوڭعى شەشىم قابىلدانعان ساتتە قوسىمشا اقپارات بەرىلەدى»، - دەلىنگەن وبلىسى اكىمىنىڭ باسپا ءسوز حاتشىسى عالىمۇرات جۇكەلدىڭ تاراتقان حابارلامادا.

ايتا كەتەيىك، ءدال وسى «اسىل ارمان» تۇرعىن ءۇي كەشەنىندە تۇراتىن ەكى تۇرعىننان كوروناۆيرۋس ىندەتى انىقتالدى. ءبىرى 1995-جىلعى اياعى اۋىر كەلىنشەك بولسا، ەكىنشىسى 1959 -جىلى تۋعان ايەل. بۇعان دەيىن ءدال وسى كەشەندەگى №6 ءۇيدىڭ ءبىر كىرەبەرىسى كارانتينگە جابىلعانىن حابارلاعان بولاتىنبىز.

ايتا كەتەيىك، الماتى وبلىسىندا 9 ادام كوروناۆيرۋس جۇقتىرعان.

اۆتور: سامال قابىشيەۆا