ەلوردا اكىمدىگى قالادا دەزينفەكسيا جۇمىستارى قالاي ءجۇرىپ جاتقانىن ايتتى
«وزدەرىڭىز بىلەتىندەي، قازىرگى تاڭدا قالادا كوروناۆيرۋس ينفەكسياسىنا قارسى بەلسەندى جۇمىس جۇرگىزىلىپ جاتىر. وسىعان بايلانىستى نۇر- سۇلتان قالاسى حالقىنىڭ دەنساۋلىعىن ساقتاۋ جانە قاۋىپسىزدىگىن قامتاماسىز ەتۋ ماقساتىندا وسى جىلدىڭ 20 - ناۋرىزىنان باستاپ قالانىڭ بارلىق نىساندارىندا، ادام كوپ شوعىرلاناتىن جەرلەردە، سونىمەن قاتار، تۇرعىن ءۇي كەشەندەرى مەن تۇرعىن الاپتارىندا اۋقىمدى دەزينفەكسيا جۇمىسى جۇرگىزىلۋدە» ، - دەدى ول.
ونىڭ اتاپ وتۋىنشە، زالالسىزداندىرۋ جۇمىستارى ق ر قورعانىس مينيسترلىگى راديوحيميالىق جانە باكتەريولوگيالىق اسكەرىنىڭ، قالا اكىمدىگى مەن دەزينفەكتسيالىق جۇمىستار جاسايتىن ۇيىمداردىڭ كۇشىمەن كۇندەلىكتى جۇرگىزىلۋدە. دەزينفەكسيالىق شارالاردى جۇرگىزۋگە 50 دەن استام تەحنيكا، ونىڭ ىشىندە 20 بىرلىك اسكەري تەحنيكا، 200 بىرلىك روتورلىق جانە سورعى شاشىراتقىشتارى جۇمىلدىرىلدى. دەزينفەكسيا جۇمىستارىنا كۇندەلىكتى 470 دەزينفەكتور- ادام، سونىڭ ىشىندە ق ر قورعانىس مينيسترلىگىنەن - 231 ادام، دەزينفەكسيالىق جۇمىستار جاسايتىن ۇيىمداردان 239 ادام قاتىسۋدا. كۇندەلىكتى اسكەريلەر كۇشىمەن 10 باعىت بويىنشا دەزينفەكتسيالىق وڭدەۋ جۇمىستارى جۇرگىزىلۋدە.
«قالانىڭ بارلىق ساۋدا ورىندارىنا ىرگەلەس جاتقان اۋماقتارىنا، مەديتسينالىق ۇيىمدارىنا، ساۋدا ورتالىقتارىنا، شاعىن ساۋدا ماركەتتەرىنە، بارلىق وتكىزۋ بەكەتتەرىنە، مەشىتتەرگە، اۋدانارالىق اۋماقتارعا، ءۇي كىرەبەرىستەرى مەن ليفتىلەرگە كۇندەلىكتى نەگىزدە ب ك س 5, دەزوستەريل فورتە دەزينفەكسيالاۋشى ەرىتىندىلەرىمەن وڭدەۋ جۇرگىزىلەدى. پايدالانىلاتىن دەزينفەكسيالاۋشى قۇرالداردىڭ ميكروبتارعا، ۆيرۋستارعا قارسى اسەر ەتەتىن كۇشى بار جانە ەمدەۋ- پروفيلاكتيكالىق مەكەمەلەردى، كوممۋنالدىق قىزمەت نىساندارىن، تاعام ءوندىرىسى مەن قوعامدىق تاماقتانۋ ورىندارىن، سونىمەن قاتار، ساۋدا ورىندارىن وڭدەۋگە ارنالعان جانە جانۋارلار مەن ادامدارعا قاۋىپسىز» ، - دەدى اكىم ورىنباسارى.
التىنبەك قايساعاليەۆتىڭ سوزىنە قاراعاندا، بۇل جۇمىستارعا دەزينفەكتسيالىق قۇرالدار ساتىپ الىندى، بۇگىنگى كۇنى ولاردىڭ قورى جەتكىلىكتى. 165 توننا دەزقۇرال – ناتري گيپوحلوريت ساتىپ الىندى. سونىمەن قاتار، دەزوستەريل فورتە مەن دەزوستەريل چاس+ دەزقۇرالدارى 270 ليتر كولەمىندە ساتىپ الىندى. ولاردى ارالاستىرۋ كەزىندە 200 توننادان استام دايىن دەزينفەكتسيالىق ەرىتىندى الىنادى.
«زارارسىزداندىرۋ جۇمىستارى اياسىندا نۇر- سۇلتان قالاسى بويىنشا 1529 ءۇي، ونىڭ ىشىندە 6375 كىرەبەرىس جانە 1500 بالالار مەن سپورت الاڭدارىندا اتالعان جۇمىستار اتقارىلدى. بۇل ءوز كەزەگىندە جالپى ءتۇرعىن ۇيلەردىڭ 80 پايىزدان استامىن قۇرايدى. سونىمەن قاتار، قاراوتكەل، كومسومولسكي، شۇبار، زارەچنىي، دەپگورودوك جانە وڭتۇستىك- شىعىستىڭ وڭ جاق بەتىندەگى جەكە مەنشىك ۇيلەردىڭ اۋماعى ارنايى دەزينفەكتسيالىق ماشينالارىمەن وڭدەلدى. بۇل جۇمىستار كەستەگە ساي ارىقاراي جالعاسادى. پايدالانىلعان قورعاۋ قۇرالدارىن جيناۋ جانە جويۋ ءۇشىن ارنايى ەكوبوكستار ورناتىلدى» ، - دەدى ول.