+7 (701) 759 90 19
28 °С : نۇر-سۇلتان
30 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

قازاقستاننىڭ ءۇش قالاسىندا مەديتسينا قىزمەتكەرلەر كوروناۆيرۋس جۇقتىرعان

1 ءساۋىر 17:11
:ءبولىسۋ
قازاقستاننىڭ ءۇش قالاسىندا مەديتسينا قىزمەتكەرلەر كوروناۆيرۋس جۇقتىرعان

نۇر- سۇلتان. قازاقپارات - قازاقستاننىڭ بىرنەشە وڭىرىندە مەديتسينا ماماندارى كوروناۆيرۋس ينفەكتسياسىن جۇقتىرعان. بۇل تۋرالى ق ر باس مەملەكەتتىك سانيتار دارىگەرى ايجان ەسماعامبەتوۆا ايتىپ بەردى، دەپ حابارلايدى قازاقپارات ءتىلشىسى.

«جاڭا قاۋلىدا مەديتسينا قىزمەتكەرلەرىنىڭ ينفەكتسيالىق قاۋىپسىزدىگىن قامتاماسىز ەتۋ الگوريتمى مەن جۇمىس جاعدايىنا، ناۋقاستارمەن بايلانىسقا قاراي جەكە قورعانىس قۇرالدارىن قولدانۋ تالاپتارى ارنايى قوسىمشادا بەكىتىلدى. بۇل تاراۋ وتە ماڭىزدى ءارى وزەكتى، كوروناۆيرۋسپەن كۇرەستە الدىڭعى شەپتە تۇرعان مەديتسينالىق مامانداردى قورعاۋىمىز قاجەت»، - دەدى باس سانيتارلىق دارىگەر ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، ەلىمىزدىڭ بىرنەشە وڭىرىندە مەديتسينالىق ماماندار ۆيرۋس جۇقتىرعان. «نۇر- سۇلتان، الماتى جانە قاراعاندى قالالارىندا كوروناۆيرۋس ينفەكتسياسىن جۇقتىرۋ قاۋپى بار توپپەن تىكەلەي بايلانىستا بولعان مەديتسينا قىزمەتكەرلەرىنىڭ ىندەت جۇقتىرۋ جاعدايلارى تىركەلدى»،- دەدى ا. ەسماعامبەتوۆا. ايتا كەتەيىك، قازاقستاندا كوروناۆيرۋس ينفەكسياسىن جۇقتىرعان 372 ادام بار. 24 ادام بۇل اۋرۋدان ەمدەلىپ شىقتى جانە 3 ادام كوز جۇمدى. بۇعان دەيىن ا. ەسماعامبەتوۆا كوروناۆيرۋس ينفەكسياسىنان قايتىس بولعانداردى جەرلەۋ الگوريتمىن تۇسىندىرگەن ەدى. قازاقستاندا COVID-19 جۇقتىرعانداردىڭ %70 ناۋقاسپەن بايلانىستا بولعان. الماتى مەن نۇر- سۇلتان قالالارىندا كوروناۆيرۋس ينفەكسياسى ءبىر ادامنان 2-7 ادامعا جۇققان.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات