+7 (701) 759 90 19
-8 °С : نۇر-سۇلتان
-9 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

قاي ساناتتاعى ازاماتتار كارانتينگە وقشاۋلانۋى كەرەك

1 ءساۋىر 16:56
:ءبولىسۋ
قاي ساناتتاعى ازاماتتار كارانتينگە وقشاۋلانۋى كەرەك

نۇر- سۇلتان. قازاقپارات – ق ر باس سانيتارلىق دارىگەرى ايجان ەسماعامبەتوۆا COVID-19 ينفەكسياسىن تاراتپاۋ ماقساتىندا «ق ر حالقىن قاۋىپسىزدىكپەن قامتاماسىز ەتۋ شارالارى تۋرالى» جاڭا قاۋلى شىعاردى، دەپ حابارلايدى قازاقپارات ءتىلشىسى.

«ينفەكسيانىڭ تارالۋ سيپاتىن ەسكەرە كەلە، شەتەلدەن كەلگەن ازاماتتاردى باقىلاۋدى جالعاستىرامىز. بۇگىننەن باستاپ، شەت ەلدەردەن كەلگەن بارلىق تۇرعىندار لابوراتوريالىق زەرتتەۋ جۇرگىزۋ ءۇشىن 3 تاۋلىككە دەيىن كارانتينگە الىنادى. ينفەكسيا راستالعان ازاماتتار ستاتسيونارعا جاتقىزىلادى. تەرىس ناتيجە شىققاندار - 11 كۇنگە ءۇي كارانتينىنە وقشاۋلانادى»، - دەدى باس سانيتارلىق دارىگەر ورتالىق كوممۋنيكاتسيالار قىزمەتىندە وتكەن بريفينگىدە.

بۇل نورما اۋە كومپانيالارىنىڭ پيلوتتارىنا جانە لوكوموتيۆ بريگادالارىنىڭ مۇشەلەرىنە، تەمىرجول كولىگىمەن تاسىمالداۋ قىزمەتىمەن اينالىساتىندارعا جانە اۆتوكولىكپەن حالىقارالىق جۇك تاسىمالدايتىندارعا قولدانىلمايدى. ولار تۇراقتى مەكەنجايى بويىنشا تەلەفون ارقىلى مەديتسينالىق باقىلاۋدا بولادى.

«ە ا ە و جانە وزبەكستان رەسپۋبليكاسىنان تەمىرجول جانە اۆتوكولىكپەن كەلگەن ازاماتتار 14 كۇن ءۇي كارانتينىندە بولۋى ءتيىس. سىرتقى ىستەر مينيسترلىگىمەن كەلىسە وتىرىپ، قازاقستانعا كەلگەن ديپلوماتتار مەن ولاردىڭ وتباسى مۇشەلەرىن مىندەتتى تەستىلەۋدەن وتكىزۋ نورماسى قاراستىرىلۋدا»، - دەدى ا. ەسماعامبەتوۆا. بۇعان دەيىن ا. ەسماعامبەتوۆا كوروناۆيرۋس ينفەكسياسىنان قايتىس بولعانداردى جەرلەۋ الگوريتمىن تۇسىندىرگەن ەدى.

اۆتور: ايجان سەرىكجان قىزى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات