+7 (701) 759 90 19
28 °С : نۇر-سۇلتان
30 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

جەتىساي تۇرعىندارى ماسكا كيىپ جۇرۋگە مىندەتتەلدى

1 ءساۋىر 17:02
:ءبولىسۋ
جەتىساي تۇرعىندارى ماسكا كيىپ جۇرۋگە مىندەتتەلدى

جەتىساي. قازاقپارات - تۇركىستان وبلىسىندا بەس تۇرعىن كوروناۆيرۋس جۇقتىرعان جەتىساي اۋدانىندا ماسكالىق رەجيم ەنگىزىلدى. بۇل تۋرالى جەتىساي اۋداندىق اكىمدىگى مالىمەت تاراتتى، دەپ حابارلايدى قازاقپارات ءتىلشىسى.

«ەلىمىزدە جاريالانعان توتەنشە جاعدايعا بايلانىستى قۇرىلعان تابتىڭ شەشىمىنە سايكەس اۋدان تۇرعىندارىنىڭ قاۋىپسىزدىگىن قامتاماسىز ەتۋ جانە كورونوۆيرۋس ىندەتىنىڭ الدىن الۋ ماقساتىندا جەتىساي اۋدانىنا ماسكالىق رەجيم ەنگىزىلەتىنىن حابارلايمىز. وسىعان وراي كوشەگە شىعار كەزدە جالپى قوعامدىق ءتارتىپتى ساقتاۋعا، مەيىلىنشە كەز- كەلگەن جەرگە ماسكاسىز بارماۋعا كەڭەس بەرەمىز. توتەنشە جاعداي كەزىندە ءتارتىپتى بۇزعانىڭىز ءۇشىن زاڭ الدىندا جاۋپكەرشىلىككە تارتىلىپ، ق ر اكىمشىلىك قۇقىق بۇزۋ تۋرالى كودەكسىنىڭ 476-بابى بويىنشا جاۋاپكەرشىلىككە تارتىلاتىنىڭىزدى ەسكەرتەمىز» دەلىنگەن اكىمدىك حابارلاماسىندا.

ايتا كەتەيىك، بۇگىندە اۋداندا ىندەتىنىڭ الدىن الۋ ماقساتىندا قاۋىپسىزدىك شارالارى كۇشەيتىلگەن. ارنايى بلوكبەكەتتەر قۇرىلىپ، پوليتسيا ينسپەكتورلارى مەن مەديتسينا سالاسىنىڭ ماماندارى تاۋلىك بويى ءاربىر كولىكتى توقتاتۋدا. ارنايى قۇرىلعىمەن ازاماتتاردىڭ دەنە قىزۋىن ولشەپ، تەكسەرىستەن وتكىزۋدە. سونىمەن قاتار، بلوكبەكەتتە تىركەۋدەن وتكەن ءاربىر ازاماتقا قاۋىپسىزدىك ەرەجەلەرىن قاتاڭ ساقتاپ، ويىن- ساۋىق ورتالىقتارىنا بارماۋ مەن كوپشىلىك ورىنداردان وقشاۋلانۋ، سانيتارلىق- گيگيەنالىق تالاپتاردى ساقتاۋ مەن بەتپەردەمەن ءجۇرۋ كەرەكتىگى تۇسىندىرىلۋدە. ەسكە سالايىق، كەشەدەن بەرى جەتىساي اۋدانىندا بەس ادامنىڭ كوروناۆيرۋس جۇتىرعانى انىقتالىپ وتىر. ونىڭ تورتەۋى - ءبىر وتباسىنىڭ مۇشەلەرى بولسا، ءبىر ادام الماتى قالاسىنا ءىس ساپارعا بارعان بولىپ شىقتى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات