+7 (701) 759 90 19
14 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

سەگىزباي كادىربەك: بۇگىنگى سىناققا شىداپ بەرسەك، ەرتەڭ جاقسىلىق بولارى ءسوزسىز

1 ءساۋىر 15:27
:ءبولىسۋ
سەگىزباي كادىربەك: بۇگىنگى سىناققا شىداپ بەرسەك، ەرتەڭ جاقسىلىق بولارى ءسوزسىز

نۇر- سۇلتان. قازاقپارات - وسى قىسىلتاياڭ شاقتان حالىق بولىپ شىداپ وتسەك، ارتى جاقسىلىققا ۇلاسارى داۋسىز. جاسى سەكسەنگە تاياپ قالعان جازۋشى، قازاقستاننىڭ ەڭبەك سىڭىرگەن قايراتكەرى كادىربەك سەگىزباي ەل ىشىندە تاراعان ىندەت قاتەرى كەزىندە وسىنداي پىكىر ءبىلدىرىپ، ەلدى سابىرعا شاقىردى، دەپ حابارلايدى قازاقپارات ءتىلشىسى.

«بۇل ادامنان كەلگەن سىناق پا، الدە اللادان كەلگەن سىناق پا - ءجىپ تاعىپ بىلە المايمىز. قازىر قازبالاپ وقىپ، كورە بەرسەڭ «جەر بەتىندە ادامدار كوبەيىپ كەتتى، قايتسەك ازايتامىز» دەگەن اڭگىمەلەردىڭ دە شەتى شىعادى. اللا ساقتاسىن. ەكىنشى جاعىنان مۇنى ادام جاسادى دەپ ويلاي المايمىز. بۇل - جەر بەتىنە كەلگەن سىناقتىڭ ءبىر ۇلكەن ءتۇرى. اسىرەسە مەكتەپكە بارىپ، ويىن ويناپ جۇرگەن جاس بالالارعا قيىنداۋ ءتيىپ وتىرعانى راس. قالاي بولعاندا دا بۇگىن بالا- شاعا، كارى- جاس بولىپ، بۇعىپ ۇيدە وتىرمىز. دەگەنمەن اللانىڭ پەيىلى كەڭ. اماندىق بولسا بۇل ىندەتتەن دە قۇتىلارمىز. ءتۇبى ءبىر جاقسىلىق بولار دەپ ويلايمىز» ، - دەيدى جازۋشى قازاقپارات تىلشىسىنە. كادىربەك سەگىزباي ساعات سايىن تەلەديدارعا ءۇڭىلىپ، قۇرباندىقتىڭ بولماۋىن تىلەپ وتىرعانىن ايتادى.

«ناۋقاستار مەن كىسى ءولىمى كوبەيمەي، اۋىزدىقتالار دەپ تىلەپ وتىرمىز. مەنىڭ ەڭ ءبىرىنشى ىرزا بولاتىنىم - مەديتسينا مەن پوليتسيا قىزمەتكەرلەرى كۇن- ءتۇن دەمەي، حالىقتىڭ قورعانى بولىپ تۇر عوي. ولاردى تۇسىنبەيتىن، قاشىپ- پىسىپ قالادان كىرىپ جاتقاندار دا بار. قالاي بولعاندا دا ولاردى دۇرىستاپ جازالاۋ كەرەك! ويتكەنى ونداي ادام ءوزى عانا اۋىرىپ قويماي، اعايىنى مەن تۋعان- تۋىستارىنا، كەرەك بولسا بۇكىل حالىققا قاۋىپ توندىرەدى» ، - دەيدى ول. جازۋشى «جۇت جەتى اعايىندى» دەگەندەي ىندەتتىڭ تارالۋىمەن بىرگە ەل ەكونوميكاسى يەك ارتىپ وتىرعانىن مۇناي باعاسىنىڭ قۇلدىراۋىنا قاتىستى دا پىكىرىن ءبىلدىردى.

«كوروناۆيرۋسپەن بىرگە الپاۋىت مەملەكەتتەردىڭ ءبىر- بىرىمەن كەلىسە الماۋى دا الەمدىك ەكونوميكاعا قالاي اسەر ەتىپ جاتقانىن وقىپ، كورىپ، ءبىلىپ وتىرسىزدار. بۇل جاعداي ءبىزدىڭ ەلدىڭ كىرىسىن مەيلىنشە ازايتىپ وتىر. بۇعان دا ءتوزۋ كەرەك. قازاق حالقى نە كورمەگەن؟ ! باستان تالاي- تالاي قيىنشىلىقتاردى وتكەرگەن، «مىڭ ءولىپ، مىڭ تىرىلگەن» دەپ جۇبان اعامىز ايتقانداي اشارشىلىق پەن جوقشىلىقتى دا كورگەن ەلمىز. جەردىڭ استىنداعى قازىناعا قاراعاندا جەردىڭ ۇستىندەگى قازىناعا - عاسىرلار بويى بابالارىمىز جولعا قويعان اۋىل شارۋاشىلىعىنا دۇرىستاپ كوڭىل بولسەك دەيمىن. ازىق- تۇلىكتىڭ ازايۋى ازىرگە سەزىلىپ تۇرعان جوق. قورىمىز بار دەپ جاتىر. حالىققا قاجەتتى ۇلەس بەرىلىپ، دارىگەرلەرگە كوتەرمە اقى تابىستالۋدا. وسىنىڭ ءبارى دە دەر كەزىندە جاسالىپ جاتقان شارۋا دەپ ويلايمىن. اسىرەسە پوليتسيا قىزمەتكەرلەرىنىڭ ۇيقى- كۇلكى كورمەي، قالا شەتىن كۇزەتىپ، كوشەلەردى ارالاپ جۇرگەنىنىڭ ءبارى - حالىق ءۇشىن جاساپ جاتقان قامقورلىق دەپ ويلايمىن» ، - دەدى كادىربەك سەگىزباي. اقساقال ءسوز سوڭىندا حالىققا ءسوزىن ارنادى.

«بۇل سىناققا دا شىدارمىز. سەكسەنگە تاياپ قالعان ادام رەتىندە حالىققا ايتارىم: قاي ۋاقىتتا بولسىن ۇيدە وتىرىپ، وسى قىسىلتاياڭ شاققا شىداپ وتسەك، بارلىق جاقسىلىق ارتىنان بولار دەپ ويلايمىن. حالقىمىز امان، جۇرتىمىز تىنىش بولسىن» ، - دەپ ءتۇيدى جازۋشى. ايتا كەتەيىك، كەشە پرەزيدەنت قاسىم- جومارت توقايەۆ رەسپۋبليكالىق تەلەارنالار ەفيرىنەن مالىمدەمە جاساعان بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات