+7 (701) 759 90 19
14 °С : نۇر-سۇلتان
22 °С : الماتى
USD 397.56 EUR 445.94
RUB 5.82 CNY 55.96
جاڭالىقتار

ءماجىلىس ءتوراعاسى: پرەزيدەنتتىڭ ازاماتتاردى جانە بيزنەستى قولداۋ تۋرالى شارالارى وزەكتى جانە ۋاقتىلى

1 ءساۋىر 14:39
:ءبولىسۋ
ءماجىلىس ءتوراعاسى: پرەزيدەنتتىڭ ازاماتتاردى جانە بيزنەستى قولداۋ تۋرالى شارالارى وزەكتى جانە ۋاقتىلى

نۇر-سۇلتان. قازاقپارات - بۇگىن ءماجىلىستىڭ جالپى وتىرىسىندا پالاتا ءتوراعاسى نۇرلان نىعماتۋلين مەملەكەت باسشىسى قاسىم-جومارت توقايەۆتىڭ توتەنشە جاعدايلار كەزىندە ازاماتتار مەن بيزنەستى قولداۋ ءۇشىن قوسىمشا شارالار ۇسىنعان مالىمدەمەسىنە توقتالدى، دەپ حابارلايدى قازاقپارات.

«وزدەرىڭىزگە بەلگىلى، كەشە عانا پرەزيدەنت قاسىم-جومارت كەمەل ۇلى توقايەۆ قالىپتاسقان جاعدايعا بايلانىستى ارنايى مالىمدەمە جاسادى. وندا مەملەكەت باسشىسى وسى كۇردەلى كەزەڭدە، ەلىمىزدى، حالقىمىزدى جان-جاقتى قولداۋدىڭ وتە ماڭىزدى ەكەنىن ايتىپ، وسى جولدا قوسىمشا شارالار قولعا الىناتىنىن اتاپ ءوتتى. بۇل قازىرگى ۋاقىتتا وتە كەرەكتى شارالار، ەڭ الدىمەن، ەكونوميكامىزدىڭ تىرەگى - شاعىن جانە ورتا بيزنەستى كۇشەيتۋگە ارنالىپ وتىر. سونىمەن بىرگە، ازاماتتاردىڭ الەۋمەتتىك جاعدايىن دا ودان ءارى تۇراقتى ۇستاۋعا باعىتتالعان. سول ءۇشىن رەسپۋبليكالىق بيۋدجەتتەن ءتيىستى قاراجات بولىنەدى. بۇل قازاقستاندىقتاردى ۋاقىتشا قيىندىقتان امان الىپ شىعۋ ءۇشىن، مەملەكەت تاراپىنان جاسالعان تاعى ءبىر ناقتى قادام»، - دەدى نۇرلان نىعماتۋلين.

پالاتا ءتوراعاسىنىڭ پىكىرىنشە، مەملەكەت باسشىسىنىڭ مالىمدەمەسى قازىرگى جاعدايدى باقىلاۋعا عانا ەمەس، داعدارىستان كەيىنگى كەزەڭگە ارنالعان ناقتى ءىس-قيمىل جوسپارى. بۇل شارالاردىڭ بارلىعى ۋاقىتىلى جانە توتەنشە جاعداي كەزىندە ازاماتتاردى دا، بيزنەستى دە قولداۋعا باعىتتالعانىن اتاپ وتكەن ءماجىلىس ءتوراعاسى ەندى قازاقستاندىقتاردىڭ ءاربىر ساناتىنا بارىنشا قىسقا مەرزىمدە مەملەكەت تاراپىنان ماڭىزدى كومەكتى ءاربىر سالاعا جەتكىزۋگە مۇمكىندىك بەرەتىن ناقتى تەتىكتەر قاجەتتىگىنە نازار اۋداردى.

وسى رەتتە پالاتا سپيكەرى بۇل جۇمىستا مەملەكەتتىك ورگانداردىڭ دا، دەپۋتاتتىق كورپۋستىڭ دا، بيزنەس- قۇرىلىمداردىڭ دا بىرلەسكەن كۇش-جىگەرى ماڭىزدى ەكەنىن ايتتى. سونىمەن قاتار، ءماجىلىس ءتوراعاسى پرەزيدەنتتىڭ اگرارلىق سەكتوردا، ەڭ الدىمەن، كوكتەمگى ەگىس جۇمىستارىن ۋاقىتىلى جۇرگىزۋگە، سونداي-اق جول كارتاسى اياسىندا ازاماتتاردى جۇمىس ورىندارىمەن قامتاماسىز ەتۋ ماسەلەلەرىن شەشۋ ءۇشىن جۇمىسپەن قامتۋ سالاسىنا قويعان مىندەتتەرىنىڭ وزەكتىلىگىنە ەرەكشە نازار اۋداردى.

«وسى قابىلدانعان شارالارعا سايكەس، دەپۋتاتتىق كورپۋس داعدارىسقا قارسى شارالاردىڭ تيىمدىلىگىن قامتاماسىز ەتۋ ءۇشىن زاڭنامالىق دەڭگەيدە بارلىق قاجەتتى قولداۋ كورسەتەدى»، - دەدى نۇرلان نىعماتۋلين.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات