الماتىدا كوپقاباتتى ۇيلەر مەن اۋلالار اپتاسىنا ەكى رەت زالالسىزداندىرىلادى
بۇل تۋرالى الماتى قالاسى تۇرعىن ءۇي ساياساتى باسقارما باسشىسىنىڭ ورىنباسارى مەيىرجان وتىنشيەۆ ونلاين- بريفينگتە ايتتى، دەپ حابارلايدى قازاقپارات ءتىلشىسى. مەيىرجان وتىنشيەۆتىڭ مالىمەتىنشە، قازاقستان بويىنشا ەڭ كوپ تۇرعىن ءۇي قورى الماتى قالاسىندا. ونىڭ قۇرامىندا 800-دەن استام باسقارۋ ورگانى قىزمەت كورسەتەتىن شامامەن 8,5 مىڭ كوپپاتەرلى ءۇي، 23,5 مىڭ كىرەبەرىس جانە 4 مىڭ اۋلا بار.
«وسى جىلدىڭ 25-ناۋرىزىنان باستاپ توتەنشە جاعدايدى قامتاماسىز ەتۋ جونىندەگى جەدەل شتابتىڭ شەشىمىمەن جانە الماتى قالاسى تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ دەپارتامەنتىنىڭ ۇسىنىسىنا سايكەس مامانداندىرىلعان كومپانيالار تۇرعىن ءۇي قورىن جاپپاي زالالسىزداندىرۋدى باستادى. جۇمىستىڭ كولەمىنىڭ ۇلكەن بولاتىنىن ەسكەرە وتىرىپ بارلىق اۋدانداردا زالالسىزداندىرۋ ءۇش كۇنگە ءبولىنىپ، ولاردىڭ جالپى سانىنىڭ كەمىندە ەڭبەك كۇنىنە 33% قامتىلادى. وسىلايشا كوپقاباتتى ۇيلەردىڭ كىرەبەرىستەرى مەن اۋلالارى كەستەگە سايكەس اپتاسىنا ەكى رەت دەزينفەكتسيالانادى»، - دەدى ول.
سونداي-اق، ول جۇمىس كەستەسىن جاريالاۋ بويىنشا ءبىرقاتار تۇزەتۋ ەنگىزىلگەنىن ايتتى. «بۇل جۇمىستار وتكەن اپتادا باستالعان، زالالسىزداندىرۋدىڭ ءبىرىنشى كەزەڭىنىڭ تاجىريبەسىن ەسكەرە وتىرىپ، ولاردى تۇزەتتىك. ەندى كەستەلەر اكىمدىكتىڭ سايتى مەن الەۋمەتتىك پاراقشالارىندا قولجەتىمدى. سونىمەن قاتار ءۇيدىڭ كىرەبەرىستەرىندە جانە اقپاراتتىق تاقتادا ورنالاستىرىلعان»، - دەدى مەيىرجان وتىنشيەۆ.
قازىرگى ۋاقىتتا جۇمىسقا كۇنىنە شامامەن 70 بريگادا، 500 دەن استام ادام جۇمىلدىرىلعان. «وڭدەۋدە قولدانىلاتىن ونىمدەر سەرتيفيكاتتالعان جانە ادامدار مەن ءۇي جانۋارلارى ءۇشىن قاۋىپسىز. ولار ۆيرۋستىڭ قوزدىرعىشتارىنا، جەدەل رەسپيراتورلى ۆيرۋستى ينفەكسيالارعا قاتىستى ميكروبقا قارسى بەلسەندىككە يە. مەديتسيالىق ۇيىمداردا، مەكتەپتەردە جانە بالالار مەكەمەلەرىندە باكتەريالىق، ۆيرۋستىق، ساڭىراۋقۇلاق ەتيولوگياسىنىڭ، اسىرەسە ءقاۋىپتى جانە كارانتيندىك ينفەكتسيالاردىڭ وشاقتارىندا پروفيلاكتيكالىق، دەزينفەكسيالىق جۇمىستا قولدانىلادى. ولار قازاقستان رەسپۋبليكاسى جانە ە ا ە و اۋماعىندا قولدانۋعا رۇقسات ەتىلگەن»، - دەيدى ول.
اۆتور: الما مۇقانوۆا