كوروناۆيرۋستىڭ تاعى ءبىر بەلگىسى اتالدى

الماتى. قازاقپارات - كوزدىڭ سىلەمەيلى قابىعىنىڭ قابىنۋى (كونيۋنكتيۆيت) كوروناۆيرۋستىڭ ءبىر بەلگىسى بولۋى مۇمكىن ەكەندىگى ايتىلدى.

مۇنداي توقتامعا امەريكالىق وفتالمولوگيا اكادەمياسى كەلىپ وتىر.

ا ق ش عالىمدارى ءوز زەرتتەۋلەرىندە قىتايلىق دارىگەرلەردىڭ مالىمەتىنە سۇيەنىپتى. ياعني، ول بويىنشا قىتايدا كوروناۆيرۋسقا شالدىققان ءاربىر 30-ناۋقاس اتالمىش كوز اۋرۋىنا شالدىققان ەكەن. جالپى العاندا مىڭنان استام ناۋقاستىڭ كونيۋنكتيۆيتپەن اۋىرعانى بەلگىلى بولىپتى.

دەسەك تە كونيۋنكتيۆيتتەن بولەك ىندەتتى جۇقتىرعان ادامنىڭ بويىندا ول كوروناۆيرۋس جۇقتىردى دەپ كەسىپ ايتۋ ءۇشىن باسقا دا اۋرۋدىڭ بەلگىلەرى بولۋى كەرەك دەيدى ماماندار. مىسال رەتىندە عالىمدار جوتەل، دەمىكپە جانە قالتىراۋ سىندى سيمپتومداردى اتادى.

«COVID-19 پاندەمياسىنا قاتىستى وفتالمولوگ ماماندار شۇعىل جاعدايلار بولماسا، قىزمەتتەرىن توقتاتۋلارى قاجەت»، - دەيدى امەريكالىق ساراپشىلار.

ەسكە سالايىق، كوروناۆيرۋس اۋرۋىنىڭ ءجيى كەزدەسەتىن بەلگىلەرىنە جوتەل، دەنە قىزۋىنىڭ كوتەرىلۋى، السىرەۋ كىرەتىنى ايتىلعان ەدى. مۇنىمەن بىرگە ءدام مەن ءيىس سەزۋدىڭ جوعالۋى دا اۋرۋ جۇقتىرۋدىڭ العاشقى سيمتومى بولۋى مۇمكىن.