الماتىدا كوروناۆيرۋستان ەكى جاسار ءسابي ەمدەلىپ شىقتى

الماتى. قازاقپارات - الماتىدا قازىرگى ۋاقىتتا ينفەكسيالىق ستاتسيوناردان COVID-19 انىقتالعان 3 پاتسيەنت ەمدەلىپ شىقتى، دەپ حابارلايدى قازاقپارات.

ولاردىڭ بىرەۋى 31 -ناۋرىز كۇنى كەشكە اۋرۋحانادان شىعارىلدى. ولار - قالالىق كلينيكالىق ينفەكسيالىق اۋرۋحانادا ەم قابىلدعان ءبىر بالا مەن ەكى پاتسيەنت. اۋرۋحانادان شىعارىلعان پاتسيەنتتەر 14 كۇندىك ءۇي جاعدايىنداعى كارانتيندە بولادى»، - دەپ باياندادى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ.

ەكى پاتسيەنت 13 -ناۋرىزدا بەرلين- مينسك- الماتى چارتەرلىك رەيسىمەن كەلگەن.

ەسكە سالا كەتەيىك، ولار كەلگەن كەزدە شەكتەۋ ەنگىزىلىپ، جاڭا الگوريت مەن قاۋلى ىسكە اسىرىلا باستاعان. ەكيپاجدى قوسقاندا، 12 ادامنان تۇراتىن بۇكىل بورت وقشاۋلانىپ، كارانتينگە جابىلدى، ينفەكسيالىق ستاتسيونارعا جاتقىزىلدى، زەرتحانالىق زەرتتەۋ ءۇشىن اناليزدەر الىندى. جەتى ادامنان دياگنوز راستالعان. ءۇشىنشى پاتسيەنت - بۇعان دەيىن انىقتالعان ناۋقاسپەن بايلانىستا بولعان ادام. بۇگىندە الماتىدا كوروناۆيرۋستان جازىلعان 10 ادام اۋرۋحانادان شىعارىلدى.