+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

جولتاي ءالماش ۇلى: كوروناۆيرۋس ىندەتىنىڭ ەمى - وقشاۋلانۋ

1 ءساۋىر 12:54
:ءبولىسۋ
جولتاي ءالماش ۇلى: كوروناۆيرۋس ىندەتىنىڭ ەمى - وقشاۋلانۋ

نۇر-سۇلتان. قازاقپارات - جازۋشى جولتاي ءالماش ۇلى مەملەكەت باسشىسى قاسىم-جومارت توقايەۆتىڭ مالىمدەمەسىنە وراي پىكىر ءبىلدىردى، دەپ حابارلايدى قازاقپارات ءتىلشىسى.

«قازاق ەلىنىڭ پرەزيدەنتى قاسىم-جومارت توقايەۆتىڭ كەشەگى جاساعان مالىمدەمەسى ءبىزدىڭ حالقىمىزدىڭ، جالپى الەم جۇرتشىلىعىنىڭ باسىنا قيىندىق تۋدىرىپ وتىرعان كوروناۆيرۋس ىندەتىمەن كۇرەسكە قارسى شارالار توڭىرەگىندە بولدى. ەلىمىزدە قابىلدانعان توتەنشە جاعدايعا بايلانىستى ءتيىستى شارالاردى قاتاڭ ۇستانۋ كەرەكتىگىن دە باسا ايتتى. ونىڭ سەبەبى دە بار. كوروناۆيرۋس ىندەتىنىڭ ەمى - وقشاۋلانۋ. قىتاي ۋحان قالاسىندا باستالعان دەرتتى از ۋاقىتتىڭ ىشىندە جويا ءبىلدى. ياعني، حالقى تارتىپكە باعىندى، ۇيدەن شىقپاۋ نۇسقاۋىن قاتاڭ ۇستاندى. سونىڭ ارقاسىندا ىندەتتىڭ تارالۋى توقتادى. ەندى حالقىمىزدىڭ دا وسىنداي تارتىپكە ۇيرەنەتىن كەزى جەتتى»، - دەدى جازۋشى.

وسى رەتتە جولتاي ءالماش ۇلى كوروناۆيرۋس ىندەتىمەن كۇرەسىپ جاتقان دارىگەرلەرمىزدىڭ ەرەن ەڭبەگىن جوعارى باعالاۋىمىز كەرەكتىگىن باسا ايتتى.

«مەملەكەت باسشىسىنىڭ دارىگەرلەرگە جاساپ وتىرعان ماتەريالدىق كومەگىن وتە دۇرىس ءارى ءتيىمدى جانە دەر ۋاقىتىندا قابىلدانعان شارا دەپ قابىلداۋىمىز كەرەك. دارىگەرلەردىڭ ەڭبەگىنە العىسىمىز شەكسىز. حالقىمىزعا سابىر، ەلىمىزگە تىنىشتىق تىلەيمىن. كوروناۆيرۋس ىندەتىن تەزىرەك جەڭىپ شىعۋدى بىزگە ءناسىپ ەتسىن»، - دەدى قارىمدى قالامگەر.

ايتا كەتەيىك، كەشە پرەزيدەنت قاسىم-جومارت توقايەۆ رەسپۋبليكالىق تەلەارنالار ەفيرىنەن مالىمدەمە جاساعان بولاتىن.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات