تىنىشتىقبەك ابدىكاكىم ۇلى: ءبارىمىز ءبىر ءۇيدىڭ بالاسىنداي تارتىپكە باعىنۋىمىز كەرەك

سەمەي. قازاقپارات - اقىن، ادەبيەتشى تىنىشتىقبەك ابدىكاكىم ۇلى پرەزيدەنت قاسىم-جومارت توقايەۆتىڭ ەلىمىزدەگى توتەنشە جاعدايعا جانە مەملەكەتتىڭ داعدارىسقا قارسى ءىس- شارالارىنا بايلانىستى مالىمدەمەسىنە وراي پىكىر ءبىلدىردى، دەپ حابارلايدى قازاقپارات.
«مەملەكەت باسشىسى ءوز سوزىندە كوروناۆيرۋسقا قاتىستى اتقارىلىپ جاتقان جۇمىستاردى ەگجەي- تەگجەيلى ايتىپ بەردى. پرەزيدەنتتىڭ باستامالارىن قولدايمىز. ازىق- تۇلىكتى تەگىن الاتىن ازاماتتاردىڭ قاتارى كوبەيەتىنى، دارىگەرلەرگە قولداۋ كورسەتىلەتىنى استە دۇرىس. تاۋار باعاسىنىڭ قىمباتتاماۋىن باقىلاۋعا الۋ دا كۇن تارتىبىندەگى ماسەلە. وسى ورايدا كاسىپكەرلەر جەكە پايدانى عانا ويلاپ، ادامگەرشىلىكتەن اتتاماعانى ابزال»، - دەيدى اقىن.
ونىڭ ايتۋىنشا، حالىق اراسىندا توتەنشە جاعداي رەجيمىن بۇزىپ جاتقاندار ءبىرىنشى كەزەكتە ءوز جاقىندارىنىڭ دەنساۋلىعىن ويلاۋلارى ءتيىس.
«بۇل دا ءبىر قيىنشىلىق، ۋاقىتشا سىناق. وسىنداي ساتتەردە اۋىزبىرشىلىك تانىتقانىمىز ءجون. ءبارىمىز ءبىر ءۇيدىڭ بالاسىنداي تارتىپكە باعىنۋىمىز كەرەك. سوندا عانا جەر- جاھاندى جالماعان جۇقپالى ىندەتتى جەڭە الامىز»، - دەيدى تىنىشتىقبەك ابدىكاكىم ۇلى.
ءوز سوزىندە ول شىعىس قازاقستان وبلىسىندا كوروناۆيرۋستىڭ تارالۋىنا توسقاۋىل قويۋ ماقساتىندا اتقارىلىپ جاتقان جۇمىستارعا وڭ باعاسىن بەردى.
«توتەنشە جاعداي كەزىندە وڭىرىمىزدە جاڭا شەكتەۋلەر ەنگىزىلىپ جاتىر. بۇل حالىقتىڭ بەي- بەرەكەت ءجۇرىپ- تۇرۋىن تىيۋ ءۇشىن قولعا الىنعان شارا. ەندى بارشا جەرلەستەرىمدى ۇيدە وتىرۋعا، سول شەكتەۋلەردى قاتاڭ ساقتاۋعا شاقىرامىن»، - دەيدى ادەبيەتشى.
فوتو: madeniportal.kz
- الماتى وبلىسىندا ءالىمعازى رايىمبەكوۆتى اقتىق ساپارعا شىعارىپ سالۋ ءراسىمى ءوتتى
- 100 وقۋلىق قازاق عىلىمىنىڭ دامۋىنا سەرپىن بەردى - اۋدارماشى
- «ەگەمەن قازاقستان» گازەتىنە باس رەداكتور تاعايىندالدى
- ديماش ا ق ش پرەزيدەنتىن ۇلىقتاۋ سالتاناتىندا قازاقتىڭ حالىق ءانىن شىرقادى - ۆيدەو
-
ديماشتىڭ ونلاين كونسەرتىن 100 ەلدەگى جانكۇيەرلەر تاماشالادى
-
وتاندىق انيماتسيا ءوندىرىسى جاڭا كينوستۋديامەن تولىقتى


