پۋتينمەن ءبىر اپتا بۇرىن كەزدەسكەن دارىگەردەن كوروناۆيرۋس انىقتالدى
نۇر-سۇلتان. قازاقپارات - رەسەيدىڭ كوممۋناركا اۋدانىنداعى اۋرۋحانانىڭ باس دارىگەرى دەنيس پروتسەنكودان كوروناۆيرۋس انىقتالدى.
دارىگەر 24 - ناۋرىزدا رەسەي پرەزيدەنتى ۆلاديمير پۋتينمەن كەزدەسكەن، - دەپ حابارلايدى ر ي ا نوۆوستي.
31 - ناۋرىزدا دەنيس پروتسەنكو وزىنەن كوروناۆيرۋس انىقتالعانىن جانە جاعدايى جاقسى ەكەنىن مالىمدەگەن. ول وقشاۋلانعان كابينەتىندە قاشىقتان جۇمىس جاساۋعا جاعداي جاسالعاندىقتان جۇمىسىن جالعاستىراتىنىن ايتقان. ايتا كەتەيىك، بۇگىندە ول اۋرۋحانادا كوروناۆيرۋس ينفەكتسياسىن جۇقتىرعان ناۋقاستاردى ەمدەيدى.
ال 24 - ناۋرىزدا پۋتين دەنيس پروتسەنكومەن كەزدەسىپ، بىرنەشە پالاتانى ارالاپ، ءبىر ناۋقاسپەن سويلەسىپ قايتقان.
كەشە رەسەي پرەزيدەنتىنىڭ باپسا ءسوز حاتشىسى دميتري پەسكوۆ پروتسەنكو ۆيرۋس جۇقتىرعانىن مالىمدەگەننەن كەيىن پۋتين كوروناۆيرۋسقا تەست تاپسىرعانىن جانە «بارلىعى دۇرىس» ەكەنىن ايتقان.
ايتا كەتەيىك، رەسەيدە بارلىعى 2337 ادام كوروناۆيرۋس جۇقتىرىپ، 17 ادام قايتىس بولعان.
- امەريكا ۆيتسە-پرەزيدەنتى لاۋازىمىنا العاش رەت ايەل ادام كەلدى
- دجو بايدەن ا ق ش- تا پاندەميامەن كۇرەستىڭ جاڭا ەرەجەسىن ەنگىزبەك
- مادريدتە جارىلىستان قازا تاپقاندار اراسىندا قازاقستاندىقتاردىڭ بار-جوعىن انىقتاپ جاتىرمىز - س ءى م
- دجو بايدەن ا ق ش پرەزيدەنتى لاۋازىمىنا كىرىستى
-
قىتاي اۋماعىندا جەر سىلكىندى
-
دونالد ترامپ اق ۇيدەن كەتتى - فوتو


