رەسەي استاناسىندا كوروناۆيرۋستان تاعى بەس ادام كوز جۇمدى
بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.
«ماسكەۋدە پنيەۆمونيا جانە كوروناۆيرۋس ينفەكتسياسى دياگنوزى راستالعان بەس پاتسيەنت كوز جۇمدى. ەگدە جاستاعى پاتسيەنتتەردىڭ بارلىعىنىڭ سوزىلمالى اۋرۋلارى بولعان»، - دەپ حابارلادى ماسكەۋدە كوروناۆيرۋسپەن بايلانىستى جاعدايدى باقىلاۋ جانە مونيتورينگىلەۋ جونىندەگى جەدەل شتاب وكىلدەرى.
شتاب وكىلدەرى قايتىس بولعان پاتسيەنتتەردىڭ جاسى 61-74 ارالىعىندا بولعانىن حابارلادى.
ولاردىڭ تورتەۋى وكپەنى جاساندى جەلدەتۋ اپپاراتىنا قوسىلعان.
بۇرىنعى اۋرۋلار اراسىندا كارديوسكلەروز، گيپەرتونيالىق اۋرۋ، وكپەنىڭ سوزىلمالى وتكىر دەرتى بولعان. ءۇش ناۋقاس قانت ديابەتىمەن اۋىردى. پاتسيەنتتەردىڭ بىرىندە ونكولوگيالىق اۋرۋ بولدى»، - دەپ ناقتىلانادى حابارلامادا.
جەدەل شتاب ماسكەۋدىڭ بارلىق تۇرعىندارىنا ءوزىن-ءوزى وقشاۋلاۋ رەجيمىن ۇستانۋ قاجەتتىلىگى تۋرالى تاعى ەسكە سالدى.