+7 (701) 759 90 19
24 °С : نۇر-سۇلتان
30 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

تىنىس الۋ اۋرۋلارى

31 ناۋرىز 22:38
:ءبولىسۋ
تىنىس الۋ اۋرۋلارى

نۇر- سۇلتان. قازاقپارات - تىنىس الۋ جۇيەسى - اعزا مەن سىرتقى ورتانىڭ گاز الماسۋ ءۇردىسىن قامتاماسىز ەتەتىن تىنىس الۋ جولدارىنىڭ جيىنتىعى. ادام تىرشىلىگىندەگى ماڭىزدى جۇيە.

جەر بەتىندەگى تىرشىلىك ەتەتىن ءتىرى اعزالاردىڭ بارلىعى تىنىس الۋ كەزىندە وتتەگىن قابىلداپ، كومىرقىشقىل گازىن شىعارادى. اعزانىڭ ءاربىر جاسۋشاسىنىڭ جۇمىسى (بۇلشىق ەتتەردىڭ جيىرىلۋى، تەردىڭ، سىلەكەيدىڭ ءبولىنۋى، قوزۋدىڭ بەرىلۋى) تىنىس الۋ ارقىلى عانا جۇزەگە اسادى. تىنىس الۋ مۇشەلەرى اۋرۋلارىنىڭ بارلىعى دەرلىك اۋا ارقىلى تارالاتىن، جۇعاتىن اۋرۋلار. ول اۋرۋلار پايدا بولعان مۇشەگە قاتىستى 3 تۇرگە توپتاستىرىلعان:

1) مۇرىن اۋرۋلارى: ساسىق تۇماۋ، گايموريت، رينيت، پوليپ، كەڭسىرىك اۋرۋلارى، ت. ب.

2) كومەي، كەڭىردەك جانە برونح اۋرۋلارى: برونحيت، تونزيليت، لارينگيت، ت. ب.

3) وكپە اۋرۋلارى - پليەۆريت، وكپە راگى، تۋبەركۋلەز، ت. ب.

اۋرۋ سەبەپتەرى

اتموسفەرالىق جانە وندىرىستىك شاڭ- توزاڭ، گاز، ءتۇتىن، ءشوپ، توعاي ورتەنگەندە پايدا بولعان ءتۇتىن، كۇل، قۇمدى جەردە جەلمەن كوتەرىلەتىن جانە قالا كوشەلەرىنەن، جەردەن كوتەرىلگەن شاڭدار، وندىرىستە بولاتىن شاڭ- توزاڭ ءار ءتۇرلى زاۆود- فابريكالاردان، شاحتالاردىڭ قالدىقتارىنان كوتەرىلگەن شاڭ تىنىس جولىنىڭ ءتۇرلى اۋرۋلارىنا سەبەپ بولادى. ياعني فيزيكالىق، حيميالىق قۇرامى زيان شاڭ تىنىس الۋ جولداىن جىبىرلاتىپ، تىتىركەندىرىپ، جوتەلتىپ، تۇشكىرتەدى. شاڭدا اۋرۋ تۋدىراتىن ءتۇرلى ميكروبتار بولۋى مۇمكىن. شاڭ- توزاڭنان مۇرىن ءبىتىپ، داۋىسى قارلىعادى، كەيدە وكپە اۋرۋىمەن اۋرۋى دا مۇمكىن. ماسەلەن، تۋبەركۋلەز، تۇماۋ، ت. ب. تىنىس الۋ مۇشەلەرىنىڭ اۋرۋلارى ينفەكت!سيا تۇسكەننەن دە پايدا بولادى. ادامدار قولىن جۋماستان مۇرىندارىن شۇقيدى. ونداعى جابىسقاق كىلەگەيلەردى قولدارىمەن الادى. ال مۇرىن قۋىسىنداعى جابىسقاق كىلەگەيدىڭ وزىندىك قىزمەتى بار. كىرگەن اۋا وسى كىلەگەيلەر ارقىلى تازالانادى. مۇرىندى كۇندەلىكتى ارنايى سۋمەن تازالاپ تۇرعان دۇرىس. ەگەر مۇرىندى كۇندەلىكتى تازالاماسا، ءىرىڭ پايدا بولادى. سونىمەن قاتار مۇرىنعا تيگەن سوققىلار كەزىندە دە ادامنىڭ تىنىس الۋى وزگەرەدى. قيسايعان مۇرىن، كەڭسىرىكتى حيرۋرگيالىق جولمەن تۇزەتكەندە تىنىس الۋ جۇيەلەرى اشىلادى.

تىنىس جەتىسپەۋشىلىگى

تىنىس جەتىسپەۋشىلىگى مەديتسينادا ارنايى قاراستىرىلعان. ونىڭ القىنۋ، پاتولوگيالىق تىنىس جانە اسفيكسيا دەگەن تۇرلەرى بار. تىنىس جەتىسپەۋشىلىگىنەن ادامدا تۇنشىعۋ ۇستاماسى ءجيى بولادى. ناۋقاستىڭ اۋا جەتىسپەگەندە تىرناقتارى مەن ەرىنى كوگەرەدى، مويىن تامىرلارى بىلەۋلەنىپ تۇرادى. بالا كەزدەن باستالىپ، ءومىر بويىنا جالعاسۋى مۇمكىن. ول جۇقپالى ەمەس، الايدا اتا- اناسى دەمىكپەمەن اۋىراتىن بالالاردا بۇل اۋرۋ ءجيى كەزدەسەدى. جىلدىڭ بەلگىلى ءبىر ايىندا نەمەسە تۇنىندە ءورشيدى.

القىنۋ - ادامدا اۋا جەتپەۋ سەزىمىمەن قاباتتاساتىن، تىنىس الۋ قوزعالىستارىنىڭ تەرەڭدىگى مەن جيىلىگىنىڭ، دەم الۋ مەن دەم شىعارۋ ۋاقىتىنىڭ، تىنىس الۋ ىرعاعىنىڭ وزگەرۋىمەن سيپاتتالادى. ول ۇرەيلەنۋ، قورقىنىش، ابىرجۋ سەزىمدەرىمەن قاباتتاسادى. القىنۋ تۇرلەرىنە تەرەڭ جانە ءجيى تىنىس (گيپرەپنوز) ، تەرەڭ جانە سيرەك تىنىس (براديپنوز) ، ءۇستىرتىن ءجيى تىنىس پوليپنوز نەمەسە تاحيپنوز، ينسپيراتسيالىق جانە ەكسپيراتسيالىق القىنۋلار جاتادى. تۇنشىعۋدا (اسفيكسيا) قانعا وتتەگىنىڭ ءتۇسۋى توقتاتىلادى، قاننان كومىرقىشقىل گازى شىعارىلمايدى. ول تىنىس الۋ جولدارى قىسىلعاندا، ولاردىڭ ساڭىلاۋلارى بوگدە زاتپەن بىتەلگەندە، وكپەگە سۇيىق جينالعاندا (سۋعا تۇنشىققاندا) ، كەۋدەنىڭ ەكى جاعىندا اۋانىڭ نەمەسە گازدىڭ جينالۋى دامىعاندا بولادى. جاساندى تىنىس الۋ ادام سۋعا كەتكەندە، توق سوققاندا نەمەسە گازبەن ۋلانعاندا ەسىنەن تانعان جاعدايدا جاسالادى. ياعني 5-7 مينۋت ىشىندە جۇرەك پەن وكپەنىڭ جۇمىسىن قالپىنا كەلتىرۋ قاجەت. مۇنداي جاعدايدا جۇرەككە ماسساج دا جاسالادى. جاساندى تىنىس الدىرۋ ارەكەتتەرىن نەعۇرلىم ەرتە باستاسا، سوعۇرلىم ول وڭ ناتيجە بەرەدى. سونىمەن قاتار اتالمىش ارەكەتتەر دۇرىس جانە قالىپتى جاعدايداعى تىنىس الۋ ىرعاعىنا سايكەس جۇرگىزىلۋى قاجەت.

تىنىس جولى اۋرۋلارىنىڭ باستى بەلگىلەرى:

— تىنىس الۋ قيىندايدى، مۇرىن بىتەلەدى؛

— دەنە قىزۋى كوتەرىلىپ، السىزدىك پايدا بولىپ، دەل- سال كۇيدە بولادى؛

— كەيبىر اۋرۋلاردا جوتەل، قۇرعاق جوتەل پايدا بولادى؛

— تاماعى قۇرعاپ، سويلەگەندە قينالادى؛

— قاتتى تەر باسادى؛

— ۇيقىسىنان شوشىپ ويانادى؛

— ۇرت جاە بەت سۇيەك تۇسى قىسىلىپ، كەرنەپ، سىزداپ اۋىرادى. ەمدەۋ شارالارى اۋرۋ اسقىنعان كەزدە جاتىپ ەم قابىلداعان ءجون. ناۋقاس جاتقان بولمەنىڭ اۋاسى قۇرعاق، تازا ءارى جىلى بولعانى ءجون. ناۋقاس س دارۋمەنىنە جانە بەلوكقا باي كۇشتى تاعامدارمەن تاماقتانىپ، تىتىركەندىرەتىن اشى، اسا ىستىق نەمەسە تىم سالقىن تاعامداردى، ءتۇرلى سوۋستاردى پايدالانباعانى دۇرىس. سونىمەن قاتار ىشىمدىك ءىشۋ، تەمەكى تارتۋ، ۇزاق ۋاقىت قاتتى داۋىستاپ سويلەۋ، ايقايلاۋدان، ت. ب. اۋلاق بولعان ءجون. تىنىس جولى باستالاتىن اۋىز بەن مۇرىن قۋىسىن تازا ۇستاۋ - ەمنىڭ باستاۋى بولىپ تابىلادى. تىنىس الۋ مۇشەلەرىنىڭ قىزمەت ەتۋ دەڭگەيىنە دەنە ەڭبەگى مەن سپورت اسەر ەتەدى. تەرەڭ دەم شىعارعاندا ولاردىڭ سىرتقا ايدالعان اۋاسىنىڭ قۇرامىنداعى كومىرقىشقىل گازى 2 ەسە كوپ بولادى. مۇنداي تەرەڭ دەم الۋ جۇرەككە «ماسساج» جاسايدى دا، ونىڭ قورەكتەنۋىن جانە فيزيولوگيالىق قالپىن جاقسارتادى. تىنىس الۋ مۇشەلەرىن جاتتىقتىرۋ، شىنىقتىرۋ بالالار مەن جاستاردىڭ تىنىس مۇشەلەرى ارقىلى پايدا بولاتىن اۋرۋلارعا قارسى تۇرۋ قابىلەتىن ارتتىرادى.

گيگيەنالىق تالاپتار - اۋاسى تازا بولمەدە ۇيىقتاۋ، بولمەلەردى جەلدەتۋ، تازا اۋادا سەرۋەندەۋ، ت. ب. تازالىقتى ساقتاۋ مەن اۋىزدى، مۇرىندى شايىپ وتىرۋ داعدىعا اينالۋ قاجەت. كيىم كيۋ دە دۇرىس دەم الۋ مەن دەم شىعارۋعا اسەر ەتەدى. سوندىقتان كيىم جەڭىل، تازا ماقتادان، جۇننەن جاسالعان دەنەنى قىسپايتىن، قيمىل- قوزعالىسقا كەدەرگى كەلتىرمەيتىن ىقشام بولعانى ءجون. تىنىس الۋ قيىنداسا، جوعارىدا اتاپ وتكەن بەلگىلەرى بايقالسا، دارىگەرگە بىردەن كورىنۋ قاجەت. ءوزىم بىلەمدىككە سالىنىپ ءۇي جاعدايىندا ەمدەلمەۋ كەرەك. ادامداردىڭ ءوز دەنساۋلىعىنا دەگەن جاۋاپكەرشىلىگى مەن ەم الۋ مادەنيەتى جەتىلسە، ءسوزسىز اۋرۋ- سىرقاۋ دا ازايار ەدى.

Massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات