كوكشەتاۋدا تۇرمىستىق حيميا زاۋىتى انتيسەپتيك ءوندىرىسىن قولعا الدى

نۇر-سۇلتان. قازاقپارات - كوكشەتاۋداعى تۇرمىستىق حيميا زاۋىتى انتيسەپتيك وندىرۋگە كوشتى، دەپ حابارلايدى «حابار 24».

كاسىپورىن باسشىلىعى بۇل ءونىمنىڭ ايىنا 60 مىڭ ليترىن شىعارا الامىز، دەيدى. ال، انتيسەپتيكتىڭ قۇرامى قاراپايىم. ەتيل سپيرتى، دەزينفەكسيالىق كونتسەنترات، گليتسەرين جانە ءتۇرلى ءيىس بەرەتىن قوسپالار. دايىن ءونىم 1,5 ليترلىك جانە 220 ميلليليترلىك قۇتىلارعا قۇيىلىپ ساتىلادى. ىدىستار دا وسى زاۋىتتىڭ وزىندە جاسالادى. ايتا كەتەيىك، اتالعان ءوندىرىس وشاعى قازىر انتيسەپتيك ءوندىرىپ وتىرعان ايماقتاعى جالعىز مامانداندىرىلعان كاسىپورىن. مۇندا نەگىزىنەن حيميالىق جۋعىش زاتتار شىعارىلادى.

كاميل كۋرمايەۆ، ءوندىرىس باسشىسى:

- ءوندىرىس ءقازىر تولىق قۋاتتا جۇمىس ىستەپ جاتىر. جاقىندا جەرگىلىكتى الەۋمەتتىك- كاسىپكەرلىك كورپوراتسياسىنان 15 مىڭ ليتر تاپسىرىس الدىق. قازىر ەۋروپادان كەلەتىن كەيبىر قۇرامداس بولشەكتەردى كۇتىپ وتىرمىز.