+7 (701) 759 90 19
24 °С : نۇر-سۇلتان
18 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

ارتىق سالماعى بار ادامدار قاۋىپتى ىندەتتى تەز جۇقتىرۋى مۇمكىن – دارىگەرلەر

31 ناۋرىز 18:05
:ءبولىسۋ
ارتىق سالماعى بار ادامدار قاۋىپتى ىندەتتى تەز جۇقتىرۋى مۇمكىن – دارىگەرلەر

نۇر-سۇلتان. قازاقپارات - ارتىق سالماعى بار ادامدار قاۋىپتى ىندەتتى تەز جۇقتىرۋى مۇمكىن. رەسەيلىك دارىگەرلەر وسىلاي دەپ دابىل قاقتى.

ولار «كارانتين كەزىندە دۇرىس تاماقتانىپ، سالاۋاتتى ءومىر سالتىن ۇستانۋ كەرەك»، دەيدى. زياندى ادەتتەردەن دە ارىلعان ابزال. وتانداستارىمىز وسى قاعيدانى ەسكەرە مە؟

كاراتيننەن كەيىن بارلىعىمىز ۇيدە وتىرمىز. ءبىراق ۇيدە وتىرىپ- اق دەنە شىنىقتىرۋعا بولادى. قالاۋىن تاپساڭ، قار دا جانادى. ءتانى ساۋ ادامنىڭ جانى دا ساۋ. دارىگەرلەر اتى جامان اۋرۋ اپشىنى قۋىرىپ جاتقاندا «تازالىققا مۇقيات بولۋ كەرەك»، دەيدى. زياندى ادەتتەردەن ارىلۋ قاجەت. اراقتىڭ دا، تەمەكىنىڭ دە ۆيرۋسقا قارسى دارمەنى جوق. كەرىسىنشە، اعزانى السىرەتەدى.

سوفيا ليننيكوۆا، يممۋنولوگ دارىگەر:

- بولمەنى كۇنىنە 3 رەت جەلدەتىپ تۇرۋ قاجەت. ۇيدەگى شاڭ- توزاڭدى ءسۇرتىپ، كۇنىنە ءبىر رەت تازالاپ تۇرعان ابزال. ەرەسەك ادام دا، بالالار دا كەمىندە جارتى ساعات تازا اۋادا ءجۇرۋى كەرەك. ىشىمدىك پەن تەمەكىدەن اۋلاق بولعان دۇرىس. ولار يممۋنيتەتتى السىرەتەدى، وكپە مەن باۋىردى قۇرتادى.

ۇيدە جاتقان ادام اسقا قۇمارتادى. سوندىقتان قۇنارلى تاعامداردى عانا تۇتىنۋ كەرەك. دارىگەرلەر ءجيى سۋ ءىشىپ، جەمىس- جيدەك جەۋدى كەڭەس ەتەدى. «قۇرامىندا اقۋىز بار زاتتاردى كوبىرەك پايدالانعان دۇرىس»، - دەيدى.

ول ءبىزدىڭ بۇلشىقەتىمىزدى نىعايتۋعا، ادامنىڭ كوپ ەنەرگيا جيناۋىنا مۇمكىندىك بەرەدى. ادام دۇرىس تاماقتانباسا، سەمىزدىككە شالدىعۋى ابدەن مۇمكىن. ال، ارتىق سالماعى بار ادامنىڭ قاۋىپتى ىندەتتى جۇقتىرۋ قاۋپى جوعارى ەكەن. مۇنى رەسەيلىك دارىگەرلەر دە ايتىپ وتىر. سوندىقتان مامانداردىڭ كەڭەسىنە قۇلاق اسىپ، كارانتين كەزىندە دەنساۋلىقتى كۇتۋگە ءجىتى ءمان بەرگەن ءجون.


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات