فرانسيادا ءبىر تاۋلىكتە كوروناۆيرۋس ىندەتىنەن ءتورت ءجۇز ادام كوز جۇمدى
قازىر فرانسيا بۇل كورسەتكىش بويىنشا الەمدە يتاليا، يسپانيا جانە قىتايدان كەيىن ءتورتىنشى ورىندا تۇر. ايتا كەتەيىك، سوڭعى مالىمەتكە سايكەس، بۇل ەلدە 45 مىڭنان اسا ناۋقاس تىركەلگەن. بۇكىل ەل كارانتيندە. تۇرعىنداردىڭ سىرتقا شىعۋىنا مۇلدەم بولمايدى. تارتىپكە باعىنباعاندار 200 ەۋرو كولەمىندە ايىپپۇل تولەيدى.
ال يسپانيادا وتكەن تاۋلىكتە 812 ادام قايتىس بولدى. بۇل ەل كوروناۆيرۋستان قاتتى زارداپ شەككەن مەملەكەتتىڭ ءبىرى. يسپانيا قايتىس بولعاندار سانى جونىنەن الەمدە ەكىنشى ورىندا تۇر. پيرەنەي تۇبەگىندە ەپيدەميادان قازا تاپقاندار سانى 7716 ادامعا جەتتى. سوعان قاراماستان، ەل بيلىگى سوڭعى ۋاقىتتا ىندەت جۇقتىرعاندار سانى ازايعانىن ايتادى. دەنساۋلىق ساقتاۋ مينيسترلىگى كارانتين كەزىندە قاتاڭ شارا قولدانۋدىڭ ارقاسىندا ىندەتتى اۋىزدىقتاۋ ناتيجە بەرە باستاعانىن اتاپ ءوتتى. ەلگە قاتاڭ كارانتين رەجيمى ناۋرىز ايىنىڭ ورتاسىندا ەنگىزىلگەن ەدى.
www.24.kz