+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

قازاقستاننىڭ توعىز قالاسىندا بيولوگيالىق قورعانىس بولىمشەلەرى دەزينفەكسيالادى

31 ناۋرىز 16:42
:ءبولىسۋ
قازاقستاننىڭ توعىز قالاسىندا بيولوگيالىق قورعانىس بولىمشەلەرى دەزينفەكسيالادى

نۇر- سۇلتان. قازاقپارات - توتەنشە جاعداي جاريالانعان كۇننەن باستاپ نۇر- سۇلتان، الماتى، شىمكەنت، اقتاۋ، اقتوبە، اتىراۋ، قاراعاندى، قىزىلوردا، تاراز قالاسىندا ورنالاسقان نىساندار مەن ولاردىڭ اۋماعىن قارۋلى كۇشتەردىڭ بيولوگيالىق قورعانىس بولىمشەلەرىنىڭ اسكەري قىزمەتشىلەرى ارنايى زالالسىزداندىرۋ جۇمىسىن جۇرگىزىپ جاتىر،

دەپ حابارلايدى قازاقپارات ق ر قورعانىس مينيسترلىگىنە سىلتەمە جاساپ.

مايداندا جاپپاي جويۋ قارۋىنان قورعاۋمەن اينالىساتىن اسكەريلەردى ازاماتتىق قورعانىس جۇمىستارىنا تارتۋ - بۇل قاجەتتىلىك. ق ر پرەزيدەنتى - قارۋلى كۇشتەردىڭ جوعارى باس قولباسشىسىنىڭ تاپسىرماسىنا سايكەس دەزينفەكسيالاۋ جۇمىستارىنىڭ اۋماعى كەڭەيتىلىپ، بيولوگيالىق قورعانىس بولىمشەلەرىنىڭ سانى ارتتىرىلدى. نۇر- سۇلتان قالاسىندا دەزينفەكسيالاۋ قالاي جۇرگىزىلىپ جاتقانىن قورعانىس ءمينيسترى نۇرلان ەرمەكبايەۆ تەكسەردى.

اڭگىمەلەسۋ بارىسىندا ول اسكەري قىزمەتشىلەردىڭ قازاقستان ازاماتتارىنىڭ دەنساۋلىعى ساقتاۋدا اتقاراتىن جۇمىستارى ماڭىزدى جانە اۋقىمدى ەكەندىگىن ايتىپ ءوتتى. «اسكەريلەردىڭ ەرەكشەلىگى - بەيبىت كەزدە ءىسى كورىنبەيدى تەك، قيىن كەزدە كومەككە كەلەتىندىگىندە»، - دەدى نۇرلان ەرمەكبايەۆ ساپ تۇزەگەن ساربازدار مەن سەرجانتتارعا ايتقان سوزىندە.

ەلىمىزدە قاجەتتى شارالار جاسالىپ، ينفەكتسياعا قاتىستى جاعداي باقىلاۋعا الىنعان، ءبىراق ساق بولىپ، سابىرلىق تانىتۋ قاجەت. «سىزدەرگە باسشىلىق قانا قاراپ وتىرعان جوق، تۋعان- تۋىس، دوس جانە بارلىق قازاقستاندىقتار قۇرمەتپەن قاراپ، ءۇمىت ارتىپ وتىر»، - دەدى مينيستر.

اسكەري قىزمەتشىلەردىڭ ساۋلىعىن قورعاۋعا دا اسا ءمان بەرۋ كەرەك. ءبىر جاۋىنگەر اۋىرىپ قالسا بولىمشەنىڭ عانا ەمەس، بۇكىل اسكەري ءبولىمنىڭ جاۋىنگەرلىك ازىرلىگىنە نۇقسان كەلۋى مۇمكىن. اسكەريلەر بارلىق سانيتارلىق- گيگيەنالىق نورمالاردىڭ تالاپتارىن قاتاڭ ساقتاپ، ىندەتتىڭ العاشقى بەلگىسىن ءبىلۋى قاجەت جانە ونداي بايقالعان كەزدە باسشىلىققا جەدەل تۇردە بايانداۋى ءتيىس. اسكەريلەرگە تۇسكەن اۋىرتپالىق ەسكەرىلىپ، تاعام راتسيونىنا ۆيتاميندەر قوسىلىپ وزگەرتىلەدى. ولار كۇن سايىن مونشاعا بارادى، كيىمىن ارنايى سۇيىقپەن تازالايدى، سونداي- اق جەكە گيگيەنا قۇرالىمەن ۋاقىتىلى قامتاماسىز ەتىلگەن.

جۇمىس بارىسىندا اسكەريلەر دالادا كوپ ۋاقىت وتكىزەتىندىكتەن سەكتورلاردا ارنايى بيودارەتحانا جانە سول ماڭداعى عيماراتتارعا كىرىپ- شىعۋىنا مۇمكىندىك بەرۋ قاراستىرىلىپ جاتىر. ەكولوگياعا زالال كەلتىرمەۋ ءۇشىن جۇمىستا پايدالانىلاتىن ەرىتىندى دايىنداۋدىڭ ءادىسىن باقىلاۋ مىندەتتەلگەن. دەزينفەكسيالاناتىن نىسان مەن اۋماق تولىقتاي وڭدەلۋى ءتيىس. ودان باسقا قۇرالداردى اۋىستىرۋ مەن جوندەۋ ماسەلەسى دە شەشىلۋدە. قورعانىس ۆەدومستۆوسىنىڭ باسشىسى اسكەري قىزمەتشىلەرگە العىس ايتتى، ونىڭ ىشىندە تۇندە قالاداعى ءىرى نىساندى جانە قالا ماڭىنداعى كەنتتەگى ىندەت وشاعىن شۇعىل دەزينفەكسيالاعاندارعا دا العىس ءبىلدىردى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات