+7 (701) 759 90 19
29 °С : نۇر-سۇلتان
29 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

اسحات ايماعامبەتوۆ كومپيۋتەرى جوق بالالاردىڭ پروبلەماسىن قالاي شەشپەك

31 ناۋرىز 14:08
:ءبولىسۋ
اسحات ايماعامبەتوۆ كومپيۋتەرى جوق بالالاردىڭ پروبلەماسىن قالاي شەشپەك

نۇر-سۇلتان. قازاقپارات - قازاقستاندا ورتا مەكتەپتەردە ءبىلىم الاتىن 300 مىڭ وقۋشىنىڭ كومپيۋتەرى جوق.

بۇل تۋرالى ورتالىق كوممۋنيكاتسيالار قىزمەتىندەگى بريفينگتە ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«اۋىلداعى مەكتەپتەردىڭ كوبىندە ينتەرنەت جوق دەسەك، ول تەك اۋىلداعى مەكتەپتەرگە قاتىستى ماسەلە ەمەس. ءبىزدىڭ كەيبىر ۇلكەن نەمەسە شاعىن قالالاردىڭ وزىندە جالپى تەحنيكالىق مۇمكىندىك بولعاننىڭ وزىندە ءبىراز وقۋشىلارىمىزدىڭ ۇيلەرىندە مۇلدەم كومپيۋتەر جوق. تەحنيكالىق مۇمكىندىگى بار بالالاردى ينتەرنەتكە قوسۋ ماسەلەسى دە بار. سوندىقتان جەرگىلىكتى اتقارۋشى ورگاندار بۇل باعىتتا جۇمىستى باستاپ كەتتى. تەحنيكالىق مۇمكىندىگى بار، ءبىراق، ينتەرنەتكە قوسىلماعان بالالاردى ينتەرنەتە قوسۋ جۇمىستارىن باستاپ، اكىمدىكتەر بۇل جۇمىسپەن قىزۋ اينالىسۋدا»، - دەدى مينيستر.

ونىڭ اتاپ وتۋىنشە، كومپيۋتەردىڭ جەتىسپەۋشىلىگى دە ۇلكەن ماسەلە بولىپ تۇر.

«ينتەرنەتى، تەحنيكالىق مۇمكىندىگى بار، ءبىراق كومپيۋتەرى جوق دەگەن 300 مىڭنان استام بالا بار. ولارعا قاتىستى اقپارات جەتكىلىكتى. سوندىقتان بۇل ماسەلەنى شەشۋدىڭ ەكى جولىن كورىپ وتىرمىز. ءبىرىنشى - ءبىزدىڭ مەكتەپتەردىڭ بالانسىنداعى كومپيۋتەرلەردى بالالارعا ۋاقىتشا بەرۋ. بۇل جۇمىستى باستادىق. مىسالى، نۇر-سۇلتان، الماتى قالالارى بەلسەندى جۇرگىزىپ جاتىر. ايتالىق، الماتى قالاسى 10 مىڭنان استام كومپيۋتەردى تاراتىپ ۇلگەردى. مەكتەپتەردىڭ كومپيۋتەرلەرىن ۋاقىتشا پايدالانۋ بويىنشا ارنايى اكتىمەن اتا- انالارعا، بالالارعا بەرىپ جاتىرمىز»، - دەدى ول. اسحات ايماعامبەتوۆ مەكتەپ كومپيۋتەرلەرى دە جەتكىلىكسىز ەكەندىگىن جاسىرمادى.

«سوندىقتان ءبىز قوسىمشا كومپيۋتەرلەر ساتىپ الۋ جۇمىسىن جۇرگىزىپ جاتىرمىز. ساتىپ الۋ جۇمىسى باستالدى. ءبىزدىڭ ويىمىزشا، 80 مىڭعا جۋىق كومپيۋتەر ساتىپ الىنادى. ونىڭ ىشىندە كومپيۋتەرلەر، پلانشەتتەر بار. ءتيىستى تالداۋ جاساپ كوردىك. جالپى، ەلىمىز بويىنشا وسىنشا كومپيۋتەر سانى جەتكىلىكتى دەپ ايتا المايمىز. سوندىقتان بىرنەشە جەردەن ىزدەپ، كومپيۋتەر بار جەردەن كومپيۋتەر الىپ، جوق بولا پلانشەتتەر الىپ، ءتۇرلى جولدارىن قاراستىرۋ ارقىلى شەشىپ جاتىرمىز»، - دەدى مينيستر. ونىڭ اتاپ وتۋىنشە، ۇستازدارىمىزدىڭ دا كەيبىرىنىڭ ۇيىندە ينتەرنەت، كەيبىرىندە كومپيۋتەر جوق.

«سوندىقتان دا ۇستازدارىمىزدى دا ءتيىستى قۇرال- جابدىقپەن قامتۋ بويىنشا جۇمىس جۇرگىزلىپ جاتىر»، - دەدى ەلىمىزدىڭ باس مۇعالىمى.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات