+7 (701) 759 90 19
29 °С : نۇر-سۇلتان
29 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

ەرلان قارين كوروناۆيرۋس تارالۋىنا قارسى كۇرەس ستراتەگياسىنىڭ نەگىزگى ءۇش ەرەكشەلىگىن اتادى

31 ناۋرىز 10:30
:ءبولىسۋ
ەرلان قارين كوروناۆيرۋس تارالۋىنا قارسى كۇرەس ستراتەگياسىنىڭ نەگىزگى ءۇش ەرەكشەلىگىن اتادى

نۇر-سۇلتان. قازاقپارات – ق ر پرەزيدەنتىنىڭ كەڭەسشىسى ەرلان قارين بيلىكتىڭ كوروناۆيرۋس تارالۋىنا قارسى كۇرەس ستراتەگياسىنىڭ نەگىزگى ءۇش ەرەكشەلىگىن اتادى. قازاقپارات وقىرمان نازارىنا ءماتىننىڭ تولىق نۇسقاسىن ۇسىنادى.

***

قازاقستاندا ەنگىزىلگەن توتەنشە جاعدايدىڭ ەكىنشى اپتاسى بيلىكتىڭ كوروناۆيرۋس تارالۋىنا قارسى كۇرەس ستراتەگياسى، جالپى ءتيىمدى بولعانىن كورسەتەدى.

ونىڭ ەرەكشەلىگى كەلەسىدە:

ءبىرىنشىسى. جاعدايدىڭ الدىن الۋعا ارەكەت ەتۋ. كەيبىر ساراپشىلار مەملەكەت قابىلداعان شارالاردىڭ ەسەبىن ناۋرىزدىڭ ورتاسىنان باستاپ قاتە جۇرگىزىپ كەلەدى. ول كەزدە مەكتەپتەر مەن جوعارعى وقۋ ورىندارىندا ساباق توقتاتىلاتىنى جانە ەلدە توتەنشە جاعداي ەنگىزىلەتىنى جاريالانعان بولاتىن. شىن مانىندە، العاشقى تۇبەگەيلى شارالار ودان دا ەرتە، قاڭتاردا، ياعني، دۇنيەجۇزىلىك دەنساۋلىق ساقتاۋ ۇيىمى COVID-19 جاعدايىن پاندەميا دەپ جاريالاماي تۇرعانعا دەيىن ءبىراز ۋاقىت بۇرىن قابىلداندى.

قاڭتاردىڭ 26 سى پرەزيدەنت قاسىم-جومارت توقايەۆ ۇكىمەتكە كوروناۆيرۋستىڭ قازاقستان اۋماعىنا تارالۋىنا جول بەرمەۋ جونىندە ناقتى ۇيىمداستىرۋ شارالارىن قابىلداۋدى تاپسىردى. سول كۇنى ۇكىمەتتىڭ ۆەدومستۆوارالىق كوميسسياسى قۇرىلىپ، كەلەسىدەي شارالار قابىلداندى:

ەپيدەميولوگيالىق احۋال ناشارلاعان جاعدايدا حالىققا قاجەتتى كومەك كورسەتەتىن مەديتسينالىق ۇيىمداردىڭ دايىندىعىن قامتاماسىز ەتۋدى؛ مەملەكەتتىك شەكارادان وتكىزۋ بەكەتتەرىندە، ونىڭ ىشىندە اۋە، اۆتوكولىك جانە تەمىر جول كولىگى نىساندارىندا سانيتارلىق- ەپيدەميولوگيالىق باقىلاۋدى كۇشەيتۋدى؛ شەت ەلدەردەن كەلگەن بارلىق ادامدارعا تۇرعىلىقتى مەكەنجايى بويىنشا مەديتسينالىق باقىلاۋ ورناتۋدى؛ ق ح ر ۋحان قالاسىنداعى قازاقستان ستۋدەنتتەرى مەن ق ر باسقا دا ازاماتتارىن شۇعىل ەۆاكۋاتسيالاۋدى قامتاماسىز ەتۋ تاپسىرىلعان بولاتىن.

سونىمەن بىرگە، ەكى قالانىڭ - نۇر-سۇلتان مەن الماتىنىڭ ينفەكسيالىق اۋرۋحانالارىندا قوسىمشا رەانيماتسيالىق بوكستار قۇرىلدى. ءدال وسى كەزدە، قاڭتاردىڭ 27 سى مەن 30 ى كۇندەرى ۇلى بريتيانيادا، گەرمانيا مەن يتاليادا العاش رەت كوروناۆيرۋستى جۇقتىرعاندار انىقتالدى. ەكىنشىسى. كەزەڭ- كەزەڭمەن ارەكەت ەتۋگە شەشىم قابىلداندى. جوعارىدا اتاپ وتكەندەي، العاشقى شارالار قاڭتاردىڭ 26 سى قابىلداندى. قاڭتاردىڭ 31 ى سانيتارلىق-ەپيدەميولوگيالىق باقىلاۋدى كۇشەيتۋدىڭ ەكىنشى كەزەڭى باستالدى:

بارلىق شەكارالارداعى سانيتارلىق- كارانتيندىك پۋنكتتەرگە قوسىمشا 150 سانەپيدەميولوگيالىق قىزمەت مامانى جىبەرىلدى؛ جاڭا ينفەكسيانىڭ زەرتحانالىق دياگنوستيكاسى رەتتەلدى؛ كلينيكالىق ەمدەۋ حاتتاماسى جانە ەپيدەمياعا قارسى ءىس-شارالار الگوريتمدەرى بەكىتىلدى. اقپاننىڭ العاشقى كۇندەرى ءبىزدىڭ ازاماتتارىمىز قىتايدىڭ ۋحان قالاسىنان ەۆاكۋاتسيالاندى.

قىتايمەن تۇراقتى اۋە رەيستەرى، سونىمەن بىرگە تەمىر جول مەن اۆتوموبيل جولاۋشى تاسىمالى توقتاتىلدى. اقپاننىڭ 20 سىنان باستاپ بيلىك ينفەكسيانىڭ اكەلىنۋى مەن تارالۋىنىڭ الدىن الۋ بويىنشا كۇشەيتۋ شارالارىنىڭ ءۇشىنشى كەزەڭىن ىسكە اسىرۋعا كوشتى. كوروناۆيرۋستىق ينفەكسيانىڭ تارالۋ قاۋپىنىڭ دەڭگەيىنە بايلانىستى ەلدەردى ءۇش ساناتقا سارالاۋ بويىنشا ادىستەمە ازىرلەنىپ، ەنگىزىلدى. قاۋىپ دەڭگەيىنە بايلانىستى، كوروناۆيرۋستىق ينفەكسيا تارالعان ەلدەردەن كەلگەن ادامدارعا ءتيىستى مەديتسينالىق مونيتورينگ ورناتىلدى. سونىمەن قاتار، وسى ەلدەردەگى جاعدايلارعا بايلانىستى اۋە رەيستەرى قىسقارىلىپ، ودان كەيىن مۇلدە توقتاتىلدى.

ناۋرىزدىڭ 1 ى سانيتارلىق- ەپيدەميولوگيالىق باقىلاۋدى كۇشەيتۋدىڭ ءتورتىنشى ساتىسى ەنگىزىلدى. «كارانتيندىق» ەلدەردىڭ ءتىزىمى كەڭەيتىلدى:

ول جاقتان كەلگەن ادامدارعا مونيتورينگتىك جانە كارانتيندىق شارالار قابىلداندى. ناۋرىزدىڭ 2 سى ۇكىمەتتىڭ وتىرىسىندا قازاقستان تەرريتورياسىندا كوروناۆيرۋستىڭ تارالۋىنا جول بەرمەۋگە باعىتتالعان قوسىمشا شارالار قاراستىرىلدى. ق ر- دا كوروناۆيرۋستىق ينفەكسيا انىقتالىپ، تارالعان كەزدەگى ءىس- قيمىلدىڭ جاڭا الگوريتمى ازىرلەندى («ب جوسپارى»).

اقپاننىڭ سوڭىندا جانە ناۋرىزدىڭ باسىندا ازەربايجان، بەلارۋس پەن ارمەنيادا العاش رەت كوروناۆيرۋستى جۇقتىرعاندار انىقتالدى.

ءۇشىنشىسى. بيلىكتىڭ ستراتەگياسى شۇعىل ارەكەت ەتۋگە جانە تاباندىلىققا نەگىزدەلدى. سول كەزدە قازاقستاننىڭ تەرريتورياسىندا COVID-19 دى جۇقتىرۋ وقيعاسى تىركەلمەگەنىنە قاراماستان، بيلىك وتە تاباندى ارەكەت ەتتى. وڭتۇستىك- شىعىس ازياداعى، تاياۋ شىعىس پەن ەۋروپاداعى ءبىرقاتار ەلدەردەگى ەپيدەميولوگيالىق جاعدايدىڭ كەنەتتەن ناشارلاۋى ەسكەرىلگەن بولاتىن. ناۋرىزدىڭ 2 سى ق ر پرەزيدەنتى ەلدەگى ءبىرقاتار قوعامدىق ءىس- شارالارعا تىيىم سالدى. ناۋرىزدىڭ 11 ى دۇنيەجۇزىلىك دەنساۋلىق ساقتاۋ ۇيىمى كوروناۆيرۋس پاندەمياسى دەپ جاريالادى.

ناۋرىزدىڭ 12 سى قازاقستان پرەزيدەنتى ءبىرقاتار مەملەكەتتىك ورگان باسشىلارىمەن كەڭەس وتكىزىپ، ۇكىمەتكە جاڭا ۆيرۋستىڭ ەلىمىزگە تارالۋىنا جول بەرمەۋ شارالارىن قاتاڭداتۋ جونىندە ناقتى تاپسىرما بەردى. اتاپ ايتقاندا، جاپپاي مادەني جانە سپورتتىق شارالار، كونفەرەنسيالار مەن كورمەلەر وتكىزۋگە ۋاقىتشا تىيىم سالىنادى.

حالىق كوپ شوعىرلاناتىن جەرلەردە، ساۋدا ورتالىقتارى مەن بازارلاردا، قوعامدىق تاماقتانۋ ورىندارىندا، ۆوكزالدار مەن اۋەجايلاردا سانيتارلىق رەجيم كۇشەيتىلدى. مەكتەپتەردە ساباق توقتاتىلىپ، جوعارى وقۋ ورىندارى قاشىقتان وقىتۋ ادىسىنە كوشىرىلەدى. حالىقارالىق اۋە تاسىمالىنا قاتىستى دا قوسىمشا شەكتەۋ شارالارى قابىلدانادى. ناۋرىزدىڭ 13 ى ەلدە العاش رەت كوروناۆيرۋستى جۇقتىرعاندار انىقتالدى.

سول كۇنى قاسىم-جومارت توقايەۆ ۇكىمەتتىڭ جانە ءبىرقاتار مەملەكەتتىك ورگاننىڭ باسشىلارى قاتىسۋىمەن شۇعىل ارەكەت ەتۋ شتابىنىڭ وتىرىسىن وتكىزىپ، كارانتيندىك ءتارتىپتى كۇشەيتۋگە باعىتتالعان جاڭا ءىس-شارالاردى جاريالادى.

ناۋرىزدىڭ 15 ى پرەزيدەنت رەسپۋبليكادا توتەنشە جاعدايدى ەنگىزۋ تۋرالى جارلىققا قول قويدى. كەلەسى كۇنى قاسىم- جومارت توقايەۆ قازاقستان حالقىنا تەلەۆيزيالىق ۇندەۋ جولدادى. توتەنشە جاعداي ءتارتىبى ناۋرىزدىڭ 13 ى ا ق ش- تا ەنگىزىلدى، يسپانيا مەن سەربيادا - ناۋرىزدىڭ 15 ى ، فرانسيادا – 24 ى. ناۋرىزدىڭ 25-ىندە ءۇندىستاندا ءۇش اپتاعا سوزىلاتىن جالپىۇلتتىق كارانتين ەنگىزىلدى. ناۋرىزدىڭ 24 ى حالىقارالىق وليمپيادا كوميتەتى توكيوداعى جازعى وليمپيادا ويىندارى 2021 -جىلعا اۋىستىرىلاتىنىن مالىمدەدى.

وسىلايشا، قازاقستاندىق بيلىك قاجەتتى شارالاردى تىم ەرتە دە، كەش تە ەمەس ەنگىزدى. قابىلدانعان شەشىمدەر جانە ولاردى جۇزەگە اسىرۋ كەزەڭ- كەزەڭمەن ءجۇردى - الەمدەگى جانە ەلدەگى جاعدايعا سايكەس. وسىنىڭ ارقاسىندا كوروناۆيرۋستىڭ قازاقستانعا ەنىپ، ونىڭ ەل ىشىندە اۋقىمدى تارالۋى بارىنشا تەجەلدى. ءبىراق كۇرەس جالعاسۋدا. الەمدەگى قازىرگى جاعداي پاندەميانىڭ ۇزاققا سوزىلۋى مۇمكىن ەكەنىن كورسەتۋدە. ەندى كوپ نارسە تەك قانا مەملەكەتتىڭ تەز ءارى تاباندى ارەكەتتەرىنە عانا ەمەس، سونىمەن بىرگە قوعامنىڭ دا جاۋاپكەرشىلىگىنە بايلانىستى.

قىتاي ەپيدەميانىڭ اۋىر كەزەڭىن مەملەكەت جوعارعى ۇيىمداستىرۋ ءرولىنىڭ ارقاسىندا ەڭسەرە الدى. ۆيرۋستىڭ جاپونيا مەن سينگاپۋرداعى اۋقىمدى تارالۋىن ول ەلدەردەگى ازاماتتاردىڭ سانالى ارەكەتتەرى تەجەۋدە. قازاقستان بولسا، كوروناۆيرۋسپەن كۇرەستە وسى قاجەتتى ەكى شارتتىڭ بىرلىگىن كورسەتە الادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات