الماتى وبلىسىندا اۋەجاي، اۆتوۆوكزالداردىڭ جۇمىسى توقتاتىلادى
بۇدان بىلاي رەسمي تاكسي قىزمەتىنەن باسقا جەكە تاسىمالداۋشىنىڭ جۇرۋىنە تىيىم سالىنادى، دەپ حابارلايدى قازاقپارات ءتىلشىسى.
وبلىستىڭ باس سانيتارلىق دارىگەرى قايرات بايمۇحامبەتوۆ تالدىقورعاندا وتكەن بريفينگ بارىسىندا وسىلاي ءمالىم ەتتى.
ونىڭ ايتۋىنشا، الماتى وبلىسىندا اۋەجايدىڭ جۇمىسى، اۋداندىق، قالالىق اۆتوۆوكزالداردىڭ، اۆتوستانسالاردىڭ قالاارالىق، اۋدانارالىق اۆتوبۋس بايلانىستارى توقتاتىلىپ، رەسمي تاكسي قىزمەتىنەن باسقا جەكە تاسىمالداۋشىلاردىڭ جۇرۋىنە تىيىم سالىنادى.
سونىمەن قاتار، الماتى وبلىسى شىعىس قازاقستان جانە جامبىل وبلىستارىمەن شەكتەسەتىن اۋماقتاردا قوسىمشا سانيتارلىق بەكەتتەر قويىلادى.
مۇنداي شەشىم كوروناۆيرۋس ىندەتىنە قاۋىپسىزدىك شارالارىن كۇشەيتۋ ماقساتىندا ارنايى قاۋلىمەن بەكىتىلىپ وتىر.
جاڭا قاۋلىعا ەنگىزىلگەن تالاپتار 31- ناۋرىز ساعات 00:00 دەن باستاپ كۇشىنە ەنەدى.