+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

ەلىمىزدە جاساندى ۆەنتيلياتسيا اپپاراتى جەتكىلىكتى مە؟

31 ناۋرىز 08:41
:ءبولىسۋ
ەلىمىزدە جاساندى ۆەنتيلياتسيا اپپاراتى جەتكىلىكتى مە؟

نۇر-سۇلتان. قازاقپارات - بولجام بويىنشا، ەلىمىزدە 3500 كوروناۆيرۋس دەرتىن جۇقتىرعان ناۋقاس بولسا، ونىڭ %5 ىنىڭ عانا جاعدايى كۇردەلى بولۋى مۇمكىن.

بۇل تۋرالى ەلدەگى كوروناۆيرۋس ينفەكتسياسى جاعدايى جايلى ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«ءبىز مونيتورينگ جاساپ وتىرمىز. قازىرگى كۇندە 3000 عا جۋىق اپپارات بار. ول جەدەل جاردەم كولىكتەرىندە، اۋداندىق اۋرۋحانالاردا جانە ۇلكەن مەديتسينالىق ۇيىمداردا جەتكىلىكتى دەڭگەيدە بار. بۇل - تەز توزاتىن جابدىق، سول سەبەپتى ەل بويىنشا قاجەتتىلىك بار. جىلدىڭ باسىندا ەل بويىنشا 927 اپپارات بولعان، ءبىراق قازىرگى جاعدايدا ينفەكتسيالىق اۋرۋحانالارعا 167 اپپارات قويىلعان. ءقازىر باسقا اۋرۋحانالاردان 70 اپپارات جەتكىزۋگە دايىن وتىرمىز»، - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.

ول بۇل اپپاراتتى ساتىپ الۋ قاجەت ەكەنىن ايتتى.

«دۇنيە جۇزىندە وسىنداي ماسەلە كوتەرىلدى. وتكەن اپتادا ق ر دەنساۋلىق ساقتاۋ مينيسترلىگى 270 اپپارات ساتىپ الۋ بويىنشا تەندەر وتكىزىپ، كەلىسىمشارتقا قول قويدى. ول اپپارات ءساۋىر ايىندا كەلەدى. سونىمەن بارلىق ينفەكتسيالىق جانە باسقا دا اۋرۋحانالاردا بۇل اپپارات جەتكىلىكتى بولادى. وسىعان قوسىمشا وتاندىق موبيلدىك 180 اپپارات كەلەدى. دەمەۋشىلەر كومەكتەسىپ، بىزگە بەرىپ جاتىر. قازىرگى ۋاقىتتا كەيبىر وتاندىق وندىرۋشىلەر تورتەنشە جاعدايعا بايلانىستى بىزگە كومەك كورسەتىپ، ءوندىرىسىن تەزدەتىپ كوبەيتىپ جاتىر. بولجام بويىنشا، 3500 كوروناۆيرۋس دەرتىن جۇقتىرعان ناۋقاس بولسا، ونىڭ %5 ىنىڭ عانا جاعدايى كۇردەلى بولۋى مۇمكىن. وسى ناۋقاستارعا قاجەتتى اپپارات سانى جەتكىلىكتى»، - دەيدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات