+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

كوروناۆيرۋستان كوز جۇمعان ايەلگە قاتىستى تەكسەرۋ جۇرگىزىلىپ، باس دارىگەر جازالاندى

30 ناۋرىز 22:36
:ءبولىسۋ
كوروناۆيرۋستان كوز جۇمعان ايەلگە قاتىستى تەكسەرۋ جۇرگىزىلىپ، باس دارىگەر جازالاندى

نۇر- سۇلتان. قازاقپارات - الەۋمەتتىك جەلىدە كوروناۆيرۋستان قايتىس بولعان ايەلدىڭ جەدەل جاردەمدى ءۇش رەت شاقىرعانىنا قاراماستان اۋرۋحاناعا جاتقىزىلماعانى تۋرالى اقپارات تارادى.

وسى جاعدايعا قاتىستى ق ر دەنساۋلىق ساقتاۋ ءمينيسترى ەلجان ءبىرتانوۆ پىكىر ءبىلدىردى، دەپ حابارلايدى قازاقپارات ءتىلشىسى.

«اقمولا وبلىسىندا قايتىس بولعان ايەلدىڭ قازاسىنا بايلانىستى جاقىندارى مەن تۋىستارىنا تاعى دا كوڭىل ايتامىن. الەۋمەتتىك جەلىدە تاراعان اقپارات بويىنشا اقمولا وبلىسىنىڭ دەنساۋلىق ساقتاۋ باسقارماسى قىزمەتتىك تەكسەرۋ جۇرگىزدى. نەگىزى بىزگە رەسمي تۇردە ەشكىم حات جازعان جوق. تەكسەرۋ ناتيجەسىندە مەديتسينالىق قىزمەتكەرلەر جاعداي كوروناۆيرۋسقا بايلانىستى بولۋى مۇمكىن ەكەنىن بولجاماعانى جانە جەدەل جاردەمدى ءبىرىنشى رەت شاقىرعان كەزدە ناۋقاس اۋرۋحاناعا جاتقىزىلماعانى انىقتالدى. ناۋقاسقا سۋىق تيۋىنە بايلانىستى ەم- دوم جازىپ بەرگەن. ناۋقاستىڭ تۋىستارىنا ءتۇسىندىرۋ جۇمىستارى جۇرگىزىلمەگەن، سونىڭ سالدارىنان ول اۋرۋحاناعا كەش جاتقىزىلعان. بۇل جاعداي ادام ولىمىمەن اياقتالدى. تەكسەرۋ بارىسىندا وسىنداي كەمشىلىكتەر انىقتالىپ، جەدەل جاردەم قىزمەتىنىڭ باس دارىگەرى مەن دەنساۋلىق ساقتاۋ باسقارماسىنىڭ باسشىسىنا تارتىپتىك جازا قولدانىلدى»، - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.

ونىڭ ايتۋىنشا، تەست ناتيجەسىنە قاتىستى قاتەلىكتەر بولعان. «تەحنيكالىق سەبەپپەن تەست ناتيجەسىن بەرۋگە قاتىستى قاتەلىكتەر بولعان. سول كۇنى زەرتحانادا جۇكتەمە كوپ بولعان، سوندىقتان تەستىڭ سوڭعى ناتيجەسى ءسال كەشىرەك شىققان. تەست ناتيجەسى ناۋقاس قايتىس بولعاننان كەيىن دايىن بولعان. بۇل جاعدايعا قاتىستى ماسەلەنى تالقىلاپ، زەرتحانالار تۇراقتى تۇردە جۇمىس ىستەۋ جاعىن قاراستىردىق. تەك ءبىر زەرتحانانىڭ وزىندە عانا كۇنىنە مىڭ تەست جاسالادى. ءبىر قۇرىلعىدان ەڭ كوپ دەگەندە 30 تەست وتكىزۋگە بولادى. ءبىز مۇنداي جاعداي قايتالانباس ءۇشىن بار كۇشىمىزدى سالامىز»، - دەيدى ول.

ەسكە سالا كەتەيىك، بۇعان دەيىن اقمولا وبلىسىندا 64 جاستاعى ايەلدىڭ كوروناۆيرۋستان قايتىس بولعانىن حابارلاعان ەدىك.

اۆتور: زارينا قاھارمان


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات