+7 (701) 759 90 19
24 °С : نۇر-سۇلتان
18 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

الماتى وبلىسىندا ازىق- تۇلىك دۇكەندەرىنەن باسقا بارلىق ساۋدا ورىندارىنىڭ جۇمىسى توقتاتىلادى

30 ناۋرىز 20:37
:ءبولىسۋ
الماتى وبلىسىندا ازىق- تۇلىك دۇكەندەرىنەن باسقا بارلىق ساۋدا ورىندارىنىڭ جۇمىسى توقتاتىلادى

تالدىقورعان. قازاقپارات - الماتى وبلىسىنىڭ اكىمدىگى كوروناۆيرۋس ىندەتىمەن كۇرەستە قوسىمشا قاۋىپسىزدىك شارالارىن ەنگىزدى، دەپ حابارلايدى قازاقپارات ءتىلشىسى.

«بارلىق ساۋدا ورىندارى، بازارلار، كوشە ساۋداسىنىڭ جۇمىسىنا دا تىيىم سالىنادى. ەرتەڭنەن باستاپ ولار جۇمىس ىستەمەيدى. ال ارەندا ماسەلەسىنە كەلەتىن بولساق، اكىمدىك جۇمىستار جۇرگىزدى. قوجايىندارى ارنايى جەڭىلدىكتەر قاراستىرۋى مۇمكىن. بۇل ماسەلە شەشىلەدى. سونداي- اق كولىكتى جوندەۋمەن اينالىساتىن ورىنداردىڭ دا جۇمىسى توقتادى. ەندى ءدامحانالار تەك ساتىپ الۋشىعا تاپسىرىسىن جەتكىزۋمەن اينالىساتىن بولادى»، - دەدى الماتى وبلىسى اكىمىنىڭ ورىنباسارى باتىرجان بايجۇمانوۆ تالدىقورعاندا وتكەن بريفينگ بارىسىندا.

جاڭا قاۋلىعا ەنگىزىلگەن تالاپتار 31 - ناۋرىزدان ساعات 00:00 دەن باستاپ كۇشىنە ەنەدى. «جارمەڭكەلەر وتكىزىلمەيدى، ازىق- تۇلىكتىك ەمەس ساۋدا ورتالىقتارىنىڭ، بيزنەس- ورتالىقتاردىڭ، ينتەرنەت جانە كومپيۋتەرلىك كلۋبتاردىڭ، ويىن مەكەمەلەرىنىڭ، بازارلاردىڭ، قوعامدىق تاماقتانۋ ورىندارىنىڭ، ءدىني ماڭىزداعى نىسانداردىڭ، مەنشىك نىسانىنا قاراماستان مەكتەپكە دەيىنگى مەكەمەلەردىڭ جۇمىسى ۋاقىتشا توقتايدى. جاسى 65 تەن اسقان ازاماتتاردىڭ كوشەدە جۇرۋىنە شەكتەۋ قويىلىپ، ولارعا قاجەتتى ازىق- تۇلىك پەن مەديكامەنتتەردى ۇيلەرىنە جەتكىزىپ بەرۋ قامتاماسىز ەتىلەدى. كامەلەتتىك جاسقا تولماعاندار دا اتا- اناسىنسىز ءوز بەتىمەن سىرتتا جۇرە المايدى. ساياباق، سكۆەر، ورتالىق الاڭ سياقتى حالىق كوپ جينالاتىن ورىندارعا بارۋعا بولمايدى، ول جەرلەردە پوليتسيا پوستتارى ورناتىلادى»، - دەلىنگەن وبلىس اكىمدىگىنىڭ رەسمي سايتىندا.

اۆتور: سامال قابىشيەۆا



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات