ءۇي كارانتينىندە وتىرعانداردى ۇيالى تەلەفون ارقىلى باقىلايدى

نۇر- سۇلتان. قازاقپارات - نۇر- سۇلتان قالاسى اكىمىنىڭ اكىمىنىڭ ورىنباسارى ماليكا بەكتۇروۆا سيفرلىق قۇرالدار ارقىلى ءۇي كارانتينىندە وتىرعانداردى باقىلاۋ تاسىلدەرىن ايتىپ بەردى، دەپ حابارلايدى قازاقپارات.

«ءبىز «Smart Astana» ءموبيلدى قوسىمشاسىن تاڭدادىق. بۇل قوسىمشا ءۇي كارانتينىندەگى ادامداردىڭ گەولوكاتسياسىن انىقتاۋعا، گەوگرافيالىق ورنىنىڭ وزگەرگەنىن باقىلاۋعا مۇمكىندىك بەرەدى. ول ءۇشىن قولدانۋشى «مەن كارانتيندەمىن» دەگەن فۋنكسيانى قوسۋ كەرەك. ءتىپتى قولدانۋشى، ۇيالى تەلەفونىن قالدىرىپ، الىسقا ۇزاپ شىعىپ كەتسە دە، قوسىمشا دابىل قاعىپ، سيتۋاتسيالىق ورتالىققا حابار بەرەدى»،- دەدى اكىم ورىنباسارى ونلاين بريفينگتە.

ونىڭ ايتۋىنشا، بۇل جوبا الەمنىڭ 15 كە جۋىق ەلدەرىندە تابىستى جۇزەگە اسىرىلعان جانە قازاقستاندا دا تەستىلەۋدەن ءوتتى. «ءبىز اكىمدىكپەن بىرلەسە جۇمىس ىستەدىك جانە كوروناۆيرۋس ينفەكتسياسىن جۇقتىرعاندارمەن بايلانىستا بولعان ادامداردى باقىلاۋدى كۇشەيتتىك. بۇل قوسىمشا ارقىلى تۇر، ىنداردىڭ باس سانيتار تالابىن ۇستانعانىن بىلە الامىز. وزگە ەلدەردىڭ تاجىريبەسىن زەرتتەگەندە، وڭتۇستىك كورەيا، سينگاپۋردىڭ مونيتورينگ ارقىلى ۆيرۋستى تاراتپاي ۇستاپ تۇرعانىن انىقتادىق. وسىنداي جولمەن عانا كوروناۆيرۋس ينفەكسياسىنىڭ تاراۋىنا جول بەرمەيمىز. دۇنيەجۇزىلىك دەنساۋلىق ساقتاۋ ۇيىمى ايتقانداي، ەڭ ءتيىمدى ەمدەۋ جولى - وقشاۋلانۋ» ، - دەدى ق ر دەنساۋلىق ساقتاۋ ۆيتسە- ءمينيسترى ولجاس ابىشيەۆ. قوسىمشا ماقۇلدانعان سوڭ، كارانتيندەگى تۇرعىنداردىڭ بارلىعىنا جۇكتەۋ مىندەتتەلەدى. ق ر پرەزيدەنتىنىڭ كەڭەسشىسى باعدات ءمۋسيننىڭ ايتۋىنشا، IT جوبانى وتاندىق ماماندار ازىرلەگەن جانە ونداعى جەكە دەرەكتەر تولىق قورعاۋعا الىنعان.