كوروناۆيرۋستان كوز جۇمعان ايەلمەن قۇدالىقتا بىرگەن بولعان الماتىلىق تا ىندەت جۇقتىرعان

الماتى. قازاقپارات - الماتىدا قۇدالىقتا بولعان ايەلدىڭ كوروناۆيرۋس جۇقتىرعانى انىقتالدى. بۇل تۋرالى بۇگىن ونلاين بريفينگ بارىسىندا قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تىلەۋحان ابىلدايەۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، اقمولا وبلىسىنىڭ ارنايى قىزمەت وكىلدەرى كوروناۆيرۋستان قازا بولعان ايەلدىڭ الماتىدا قۇدالىقتا بولعانىن حابارلاعان. «الماتىدا ول ايەلمەن 6 ادام جاقىن ارالاسقانى انىقتالدى. ولاردىڭ بارلىعى قازىر وقشاۋلاندى. ولار قۇدالىقتا بىرگە بولعان. 6 ادامنىڭ ىشىندە بىرەۋى كوروناۆيرۋس جۇقتىرعان. ول ايەل قالاداعى جۇقپالى اۋرۋلار اۋرۋحاناسىنا جاتقىزىلدى» ، - دەدى تىلەۋحان ابىلدايەۆ. باسقارما باسشىسى كارانتين كەزىندە ۇلتتىق داستۇرلەرىمىزدى توقتاتا تۇرۋ كەرەكتىگىن ايتتى.

«ۇلتتىق داستۇرلەرىمىز - قۇدالىق، بەتاشار سياقتى بالالاردىڭ قۋانىشىنا جاسالاتىن جورالعىلاردى توقتاتۋ كەرەك. كوپ ادام باس قوساتىن، تاماقتاناتىن داستۇرلەر قازىر قاجەت ەمەس. كوپ نارسە تارتىپكە بايلانىستى» ، - دەدى ت. ابىلدايەۆ.