كوروناۆيرۋس جۇقتىرعان مودەل وكپەدەن دىبىستار شىعاتىنىن ايتتى

نۇر-سۇلتان. قازاقپارات - كوروناۆيرۋس جۇقتىرعان فرانسۋز مودەلى ينتان كلەمەنت تىنىس العاندا وكپەسىنەن دىبىستار شىعاتىنىن ايتادى، - دەپ جازادى Daily Star.

دەرەككوز مالىمەتىنشە، 30 جاستاعى مودەل بۇل ۆيرۋستى سۇيىكتىسىنەن جۇقتىرعان.

مودەلدىڭ ايتۋىنشا، كارانتينگە دەيىن ولار دوستارىمەن شاڭعى تەبۋگە بارعان. سول جاقتا جۇرگەندە ءوزىن ءالسىز سەزىنە باستاعان، تىنىس الۋى قيىنداعان. باستاپقىدا قىز وعان نازار اۋدارماعان، ءبىراق بارعان سايىن تىنىس الۋى قيىنداپ، جوتەلە بەرگەن.

كەيىنىرەك تىنىس الۋ كەزىندە وكپەسىنەن دىبىستار شىققانىن بايقاعان. سودان ۆيدەو ارقىلى دارىگەرگە حابارلاسقان. دارىگەر بولسا وعان سۋىق تيگەنىن ايتىپ، پاراتسەتامول ىشۋگە كەڭەس بەرگەن. ال 20-ناۋرىزدا ينتان كلەمەنت دارىگەرگە بارىپ كورمەكشى بولعان. سول كەزدە عانا مودەلدىڭ كوروناۆيرۋس جۇقتىرعانى انىقتالعان.

ينتان كلەمەنت كوروناۆيرۋستىڭ الدىن الۋ ماقساتىندا قاۋىپسىزدىك شارالارىن ۇستانۋعا كەڭەس بەرەدى.