كۇشەيتىلگەن كارانتين كەزىندە ادامدار وزدەرىمەن بىرگە قانداي قۇجات الىپ ءجۇرۋى كەرەك

نۇر-سۇلتان. قازاقپارات - ەلوردا اكىمدىگى كۇشەيتىلگەن كارانتين رەجيمى كەزىندە جۇمىسقا باراتىن ازاماتتاردىڭ وزىمەن بىرگە قانداي قۇجات الىپ ءجۇرۋى كەرەك ەكەنىن ايتتى، دەپ حابارلايدى قازاقپارات ءتىلشىسى.

قالالىق اكىمدىكتىڭ باسپا ءسوز قىزمەتى حابارلاعانداي، كۇشەيتىلگەن كارانتين رەجيمىندە جۇمىسقا بارۋى كەرەك قىزمەتشىلەر وزدەرىمەن بىرگە ءوزى جۇمىس ىستەيتىن ۇيىمنىڭ ءمورى باسىلعان جانە باسشىسىنىڭ قولى قويىلعان انىقتامانى الىپ جۇرسە جەتكىلىكتى. بۇقارالىق اقپارات قۇرالدارىنىڭ وكىلدەرى دە جۇمىس ورنىنان العان انىقتاما مەن قىزمەتتىك كۋالىكتى وزىمەن بىرگە الىپ ءجۇرۋى كەرەك.

«جۋرناليستەر وزىمەن بىرگە جۇمىس ىستەيتىن ۇيىمنىڭ ءمورى قويىلعان انىقتاما مەن قىزمەتتىك كۋالىك ۇستاپ ءجۇرۋى ءتيىس»، - دەيدى اكىمدىكتىڭ باسپا ءسوز قىزمەتى.

اۆتور: زارينا قاھارمان