الماتى وبلىسىندا وزبەكستاننان تويدان كەلگەن ايەلدەن كوروناۆيرۋس انىقتالدى
ولار قاراساي جانە ەڭبەكشى قازاق اۋدانىندا انىقتالدى، دەپ حابارلايدى قازاقپارات ءتىلشىسى.
الماتى وبلىسى اكىمدىگى باسپا ءسوز قىزمەتىنىڭ مالىمەتىنشە، ءبىرىنشى جاعدايدا ينفەكتسيا قاراساي اۋدانى كەمەرتوعان اۋىلىندا تۇراتىن 41 جاستاعى ايەلدەن انىقتالدى.
ول قاراساي اۋداندىق ينفەكتسيالىق اۋرۋحاناسىنا جاتقىزىلدى. ونىمەن قارىم-قاتىناستا بولعان 6 ادام، سونىڭ ىشىندە ءوزىنىڭ كۇيەۋى مەن 2020-جىلى تۋعان ءسابيى كارانتينگە الىندى. ەكىنشى جاعدايدا اعايىن-تۋىستار وزبەكستانعا ۇيلەنۋ تويىنا ءوز شاعىن اۆتوبۋستارىمەن بارعان.
14 ادامنىڭ وزبەكستاننان كەلگەنى تۋرالى مالىمەتتەردى تۇركىستان وبلىسىنداعى سانيتارلىق-ەپيدەميولوگيالىق ماماندار حابارلاپ، وبلىسقا كەلگەن بەتتە ولار پروۆيزورلىق ستاتسيونارعا جاتقىزىلعان.
سونىڭ ىشىندە 60 جاستاعى ايەلدەن ۆيرۋس انىقتالدى. قازىر ول قاراساي اۋداندىق ينفەكتسيالىق اۋرۋحاناسىنا جاتقىزىلدى، ال قارىم-قاتىناستا بولعان وزگەلەرى كارانتيندە.
جالپى، 29- ناۋرىزداعى جاعداي بويىنشا الماتى وبلىسىندا ىندەتكە شالدىققاندار سانى - 6.