اقتوبەدە تاعى ءبىر ادامنان كوروناۆيرۋس انىقتالدى

None
None
اقتوبە. قازاقپارات - اقتوبەدە تاعى ءبىر ادامنان كوروناۆيرۋس ينفەكتسياسى انىقتالدى. ناۋقاس «اقتاۋ-اقتوبە» رەيسىمەن ۇشىپ كەلگەن، دەپ حابارلايدى قازاقپارات ءتىلشىسى.

«بريفينگ باستالماس بۇرىن ايتا كەتەيىن، تاعى ءبىر ادامنان كوروناۆيرۋس انىقتالعانى بەلگىلى بولدى. ناۋقاس اقتاۋ قالاسىنان بۇگىن ۇشىپ كەلدى. ۇشاقتان تۇسكەن بويدا بارلىعى 18 ادام وقشاۋلانىپ، اناليز الىندى. ناۋقاستار ينفەكتسيالىق اۋرۋحاناعا جاتقىزىلادى. وزگە جولاۋشىلار تەكسەرىلىپ جاتىر. كوبىنىڭ ساراپتاما قورىتىندىسى تەرىس. ۆيرۋس جۇقتىرعان ادام تۇركيانىڭ ىستانبۇل قالاسىنان اقتاۋعا، اقتاۋدان اقتوبەگە كەلگەن. شەتەلدەن كەلەتىنىن بىلگەن سوڭ ءبىز ۇشاق جولاۋشىلارىن بىردەن باقىلاۋعا الىپ تەكسەردىك»، - دەدى وسى ۋاقىتتا ونلاين-بريفينگ وتكىزىپ جاتقان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇرسۇلۋ بەركىمبايەۆا.

ايتا كەتەيىك، اقتوبەدە 31 ناۋرىزدان باستاپ ءبىرقاتار شەكتەۋ قويىلادى. كوروناۆيرۋس انىقتالعان العاشقى ناۋقاستىڭ جاعدايى ءبىرقالىپتى، ەكى اپتادان سوڭ قايتا اناليز الىنادى.


سوڭعى جاڭالىقتار