كاسىپكەر دەمالىس ورتالىعىن كوروناۆيرۋسكە شالدىققاندارعا ەمحانا رەتىندە بەردى

كوكشەتاۋ. قازاقپارات - جەرگىلىكتى كاسىپكەر دەمالىس ورتالىعىن كوروناۆيرۋس ناۋقاستارىن ەمدەيتىن گوسپيتال رەتىندە پايدالانۋعا بەردى، دەپ حابارلايدى قازاقپارات ءتىلشىسى ىشكى ساياسات باسقارماسىنا سىلتەمە جاساپ.

«اقمولا وبلىسىنىڭ اكىمدىگى جەرگىلىكتى كاسىپكەر، قوعام قايراتكەرى ارمان شورايەۆتىڭ «Aurora Garden» دەمالىس ورتالىعىن كوروناۆيرۋسپەن كۇرەسۋ شەڭبەرىندە گوسپيتال رەتىندە بەرۋ تۋرالى ۇسىنىسىن قولدادى»،- دەلىنگەن حابارلامادا. ۆەدومستۆونىڭ مالىمەتىنشە، وبلىستىق دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ كاسىپكەر ۇسىنىپ وتىرعان دەمالىس ورتالىعى زەرەندى اۋاندىق اۋرۋحاناسىنا بەكىتىلەدى.

«قازىرگى كەزدە ءبىزدىڭ تاراپتان قاجەتتى دارىگەرلەر مەن ورتا مەديتسينالىق پەرسونالداردىڭ سانى ەسەپتەلۋدە. ەگەر جەتىسپەي جاتسا، كوكشەتاۋ جانە ساندىقتاۋ اۋداندارىنان ماماندار الدىرتامىز. بۇل ءبىز ءۇشىن كومەك، وسى ارقىلى دارىگەرلەرىمىز ازاماتتارىمىزدى ەمدەپ، ومىرىنە اراشا تۇسەتىن بولادى»،- دەيدى باسقارما باسشىسى.

سونىمەن قاتار، سۇلەن ءىلياسوۆ تاماقپەن قامتاماسىز ەتۋ ماسەلەسىن ق ر دەنساۋلىق ساقتاۋ مينيسترلىگى ءوز موينىنا الاتىنىن ايتتى. ءوز كەزەگىندە «Aurora Garden» دەمالىس ورتالىعى ناۋقاستاردى كارانتينگە جانە گوسپيتالگە جاتقىزۋ ءۇشىن قاجەتى جاعدايدى ۇسىنادى. ارمان شورايەۆ تەلەفون ارقىلى ونىڭ مۇنداي يگى قادامعا بارۋىنا وتباسىنىڭ ورتاق تىلەگى ارقاۋ بولعان. «ءبىز تەگىن 100 ورىندىق دەمالىس ورنىن بەرۋ ارقىلى وسى ىندەتپەن كۇرەسۋگە ءوز ۇلەسىمىزدى قوسقىمىز كەلەدى»،- دەدى كاسىپكەر. بۇل تۋرالى ارمان شوراۆ ءوزىنىڭ Facebook پاراقشاسىندا جازدى. ول ءوز جازباسىندا ۇسىنىسى قولداۋ تاپقاندىعى ءۇشىن قۋانىشتى ەكەنىن جەتكىزدى. جەلى قولدانۋشىلار كاسىپكەردىڭ يگى ىسىنە قولداۋ ءبىلدىرىپ، العىستارىن بىلدىرۋدە.