ەلوردادا دارىگەرلەر قوناقۇيلەرگە ورنالاستىرىلدى

نۇر- سۇلتان. قازاقپارات - كوروناۆيرۋس ينفەكسياسىن جۇقتىرعان جانە ونى تاسىمالداۋشى ناۋقاستارمەن ستاتسيوناردا جۇمىس ىستەيتىن مەديتسينا قىزمەتكەرلەرى ءۇشىن ەلورداداعى قوناقۇيلەردەن ورىندار ءبولىندى، دەپ حابارلايدى قازاقپارات ءتىلشىسى.

قالالىق شتاب ەمحانا مەن اۋرۋحانالاردا جۇمىس ىستەيتىن مەديتسينا قىزمەتكەرلەرىنىڭ تاماقتانۋىن ۇيىمداستىردى، ال City Transportation Systems (CTS) كومپانياسى ولارعا كولىك ءبولدى. بۇل قىزمەت ءتۇرىنىڭ ءبارى مەديتسينا قىزمەتشىلەرى ءۇشىن تەگىن تۇردە جۇزەگە اسىرىلادى. پرەزيدەنت قاسىم- جومارت توقايەۆ سانيتارلىق- ەپيدەميولوگيالىق سالاداعى كۇردەلى كەزەڭدە ەڭبەك ەتىپ جاتقان دارىگەرلەردى قولداۋدىڭ جاڭا پاكەتى قاجەت ەكەنىن ايتقان بولاتىن.