كوروناۆيرۋسپەن كۇرەسكە ۇلتتىق قور قاراجاتى تارتىلادى

نۇر- سۇلتان. قازاقپارات - قازاقستاندا داعدارىسقا قارسى كۇرەسكە بولىنگەن قارجىنىڭ جالپى كولەمى 4 تىريلليون تەڭگەدەن اسادى. بۇل تۋرالى حابار24 ارناسىندا وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، قازاقستاندا داعدارىسقا قارسى كۇرەسكە بولىنگەن قارجىنىڭ جالپى كولەمى 4 تىريلليون تەڭگەدەن اسادى. بۇل شىعىندار رەسپۋبليكالىق بيۋدجەتتەن 2,1 تىريلليون تەڭگە جانە ينفراقۇرىلىمدىق وبليگاتسيالارعا قاراجات تارتۋ ەسەبىنەن جۇزەگە اسىرىلادى. سونىمەن بىرگە، ۇلتتىق قوردان كەپىلدەندىرىلگەن ترانسفەرت 1 تىريلليونعا ارتتى. كوروناۆيرۋس جاعدايىنا بايلانىستى وتكەن العاشقى بريفينگتەردىڭ بىرىندە مەن ۇلتتىق قوردىڭ قاراجاتى پايدالانىلمايتىنىن ايتتىم. بۇل مالىمدەمە دۇرىس بولمادى، سول سەبەپتى كەشىرىم سۇرايمىن» ، - دەيدى ق ر اقپارات جانە قوعامدىق دامۋ ءمينيسترى داۋرەن ابايەۆ.