ەلورداداعى كوروناۆيرۋسپەن ناۋقاستانعانداردىڭ جاعدايى تۋرالى ايتىلدى

None
None
نۇر- سۇلتان. قازاقپارات - كوروناۆيرۋس جۇقتىرىپ العان بولۋى مۇمكىن ەلوردا تۇرعىندارىنا مەديتسينالىق كومەكتى ۋاقىتىلى كورسەتۋگە باعىتتالعان جۇمىستار اتقارىلىپ جاتىر.

بۇل تۋرالى حابار24 ارناسىندا وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«بۇگىنگى تاڭدا ستاتسيونارلىق ەم الىپ جاتقاندار ىشىندە ەكى ادامنىڭ دەنساۋلىق جاعدايى تۇراقتى اۋىر. ولار جاساندى تىنىس الۋ قۇرىلعىسىمەن جاتىر. كلينيكالىق حاتتاماعا سايكەس ەم الۋدا. قالعان ناۋقاستاردىڭ دەنساۋلىق جاعدايى قاناعاتتانارلىق» ، - دەيدى نۇر- سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا.

ونىڭ ايتۋىنشا، كوروناۆيرۋس جۇقتىرىپ العان بولۋى مۇمكىن ەلوردا تۇرعىندارىنا مەديتسينالىق كومەكتى ۋاقىتىلى كورسەتۋ ماقساتىندا قالاداعى تەمىرجول اۋرۋحاناسىنداعى پۋلمونولوگيا ءبولىمى كەڭەيتىلگەن.

«بۇل جەردە كوروناۆيرۋستى ينفەكسيا بار- جوعىن انىقتاۋ ءۇشىن دياگنوستيكا جاسالادى. ارى قالاي ناۋقاستى ەمدەۋ ادىستەرى قارالادى. سونداي- اق، №2 قالالىق اۋرۋحانا بازاسىندا وبسەرۆاتوريالىق ەمحانا اشىلدى. بۇل جەردە ءبىر اۋىسىمدا 150 ادام قارالا الادى. كوروناۆيرۋس انىقتالعان ەكى ناۋقاس وسى مەديتسينالىق نىساندا جاتىر» ، - دەپ تولىقتىردى باسقارما باسشىسى.



سوڭعى جاڭالىقتار