جەكي چان قازاقستاندىقتارعا قولداۋ ءبىلدىردى: مىقتى بول، قازاقستان

نۇر- سۇلتان. قازاقپارات - ايگىلى اكتەر جەكي چان قازاقستاندىقتارعا ۆيدەوجولداۋ جولداپ، كوروناۆيرۋسقا قارسى كۇرەستە قولداۋ ءبىلدىردى، دەپ حابارلايدى قازاقپارات.

اكتەردىڭ ۆيدەوجولداۋىن ءوزىنىڭ instagram پاراقشاسىندا مەملەكەت باسشىسىنىڭ كەڭەسشىسى ەرلان قارين جاريالادى.

«مەنىڭ ەسىمىم - جەكي چان. اپاتتار ادەتتە قاتىگەز. ءبىراق ادامداردىڭ جۇرەگىنىڭ الدىنداعى ماحاباتتىڭ الدىندا ولار دا دارمەنسىز. ءبىز مىندەتتى تۇردە ءبىر- بىرىمىزگە كومەكتەسۋىمىز كەرەك. سوندا عانا ۆيرۋسقا قارسى كۇرەستە جەڭىپ شىعامىز. مىقتى بول، قىتاي! مىقتى بول، قازاقستان! ءبىز بىرگەمىز!» ، - دەيدى جەكي چان.

ايتا كەتسەك وسىدان ءبىرشاما ۋاقىت بۇرىن ءبىرقاتار ب ا ق- تا اكتەر كوروناۆيرۋس جۇقتىرعانى جايلى اقپارات شىققان ەدى. سونىڭ ىشىندە شەتەلدىك تىلشىلەر جەكي چاننىڭ گونكونگتەگى كەشىنەن كەيىن كارانتينگە جاتقىزىلعانىن جازعان ەدى. الايدا اكتەر بۇل اقپاراتتى جوققا شىعاردى.