تاراز قالاسىندا «كوروناۆيرۋس كەت، كەت» دەپ بەتاشار جاساعان تۇرعىن قاماۋعا الىندى

نۇر- سۇلتان. قازاقپارات - تاراز قالاسىندا توتەنشە جاعداي كەزىندە ۇيىنە ادامدار جيناپ، بەتاشار ۇيىمداستىرعان 30 جاستاعى ازامات ۇستالدى، دەپ حابارلايدى قازاقپارات.

ىشكى ىستەر مينيسترلىگىنەن حابارلاعانداي، پوليسيا قىزمەتكەرلەرى بەتاشار جاساعان اسابامەن ءتۇسىندىرۋ جۇمىستارىن جۇرگىزىپ، توتەنشە جاعداي كەزىندە مۇنداي وقيعاعا جول بەرمەۋ كەرەكتىگىن ەسكەرتكەن. قازىرگى ۋاقىتتا تاراز قالاسىنىڭ پوليسيا باسقارماسى ادامدار جينالاتىن ورىندارعا كۇندەلىكتى رەيد جۇمىستارىن جۇرگىزۋدە. توتەنشە جاعداي باستالعالى پوليسەيلەر ت ج تالاپتارىن بۇزعان 15 كاسىپكەردىڭ ۇستىنەن اكىمشىلىك ءىس قوزعاعان. ولاردىڭ سەگىزىنە ايىپپۇل سالىنىپ، ەكەۋى ەسكەرتۋ العان. بەسەۋى اكىمشىلىك قاماۋعا الىنعان. جامبىل وبلىسىنىڭ پوليتسيا دەپارتامەنتىن توتەنشە جاعداي كەزىندە قاۋىپسىزدىك تالاپتارىن ەسكەرمەگەن ازاماتتار جازاسىن الاتىنىن ەسكەرتەدى.