الماتى اكىمدىگى «ولگەن يتتەرگە» قاتىستى تۇسىنىكتەمە بەردى

الماتى. قازاقپارات - الماتى پوليتسياسى كوشەدە ءولىپ قالعان يتتەرگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ۆيدەو facebook جەلىسىندە جاريالاندى ۆيدەودا پۋشكين كوشەسىندە 5-6 ءيتتىڭ جاتقانى جانە ولاردىڭ اۋىرىپ جاتقانىن بولماسا ءولىپ قالعان بولۋى مۇمكىن ەكەنى ايتىلادى. بۇل ۆيدەوعا قاتىستى قالالىق كاسىپكەرلىك پەن ينۆەستيسيالىق دامۋ باسقارماسىنىڭ وكىلدەرى تۇسىنىك بەردى.

«الەۋمەتتىك جەلىدەگى اقپاراتقا سايكەس قالالىق ۆەتەرينارلىق قىزمەت وكىلدەرى مەن باسقارمانىڭ ۆەتەرينارلىق دارىگەرى جەدەل تۇردە وقيعا ورنىنا باردى. ولار كەلگەندە جانۋارلار وقيعا ورنىندا بولماعان. ال كوشەنىڭ بويىندا سۋ قۇيىلعان پلاستيك كونتەينەرلەر مەن تاماق سالىنعان ىدىستار تابىلدى. جەرگىلىكتى تۇرعىنداردىڭ ايتۋىنشا، ادامدار قاڭعىپ جۇرگەن يتتەرگە تاماق بەرگەن- ءمىس. جاعداي تاعى دا باقىلانىپ جاتىر» ، - دەدى باسقارمادان. ايتا كەتۋ كەرەك، مۇنىڭ الدىندا وقىرماندار ورتالىق ساياباقتا زارارسىزداندىرۋ جۇمىستارىنان سوڭ كەپتەرلەر قىرىلىپ جاتقانىن ايتىپ شاعىمدانعان ەدى. ال ودان كەيىن اكىمدىك زارارسىزداندىرۋ قۇرالدارىنىڭ قاۋىپسىز ەكەندىگىن العا تارتقان بولاتىن.