الماتىدا كوروناۆيرۋس جۇقتىرعان ءبىر ادامدىڭ جاعدايى اۋىر

None
None
الماتى. قازاقپارات - الماتى دارىگەرلەرى قالاداعى ەپيدەميولوگيالىق احۋال تۋرالى باياندادى، دەپ حابارلايدى قازاقپارات ءتىلشىسى.

الماتىدا جالپى 58 ناۋقاس بولسا، ونىڭ ەكەۋى ەمدەلىپ شىقتى.

«قازىرگى ۋاقىتتا قالاداعى جۇقپالى اۋرۋلار ستاتسيونارىندا 56 ناۋقاس بار، سونىڭ ەكەۋى بالا. جاڭادان انىقتالعان 10 ناۋقاستىڭ بەسەۋى 27 - ناۋرىزدا سانكت- پەتەربور - الماتى رەيسىمەن، بىرەۋى 26 - ناۋرىزدا ىستانبۇل - الماتى، ال قالعان ەكەۋى ماسكەۋ - الماتى رەيسىمەن ۇشىپ كەلگەن. تاعى ەكەۋى ىندەت جۇقتىرۋشىلارمەن بايلانىستا بولعان» ، - دەدى باسقارمادان. قۇزىرلى ورگاننىڭ حابارلاۋىنشا، بارلىق ناۋقاستاردىڭ جاعدايى قاناعاتتانارلىق.

«ەم قابىلداپ جاتقان 51 ناۋقاستىڭ جاعدايى قاناعاتتانارلىق. تەك ءبىر ەرەسەك ناۋقاستىڭ جاعدايى اۋىر دەپ باعالانسا، ءتورت ەمدەلۋشى ورتاشا دارەجەدە، ونىڭ ىشىندە بالا دا بار. پروۆيزورلىق ورتالىقتاردا 854 ادام بار، ونىڭ 86 سى بالا. ال ءۇي كارانتينىندە 2037 ادام جاتىر» ، - دەدى باسقارما وكىلدەرى.

سوڭعى جاڭالىقتار