سەمەيدە كوروناۆيرۋس جۇقتىرعانداردىڭ جاعدايى تۋرالى ايتىلدى

سەمەي. قازاقپارات - كوروناۆيرۋسكە شالدىققان سەمەي قالاسىنىڭ 2 تۇرعىنىمەن 6 ادام بايلانىستا بولعان، دەپ حابارلايدى قازاقپارات.

«ۆيرۋس جۇقتىرعان ەرلى- زايىپتىلارمەن بايلانىستا بولعاندار انىقتالدى. قازىرگى ۋاقىتتا سول 6 ادام دارىگەرلەردىڭ باقىلاۋىندا. ونىڭ ەكەۋى كارانتيندىك ستاتسيونارعا، تورتەۋى ارنايى پروۆيزورلىق ستاتسيونارعا جاتقىزىلعان. قاجەتتى ەم- شارالار جۇرگىزىلىپ جاتىر» ، - دەيدى ش ق و دەنساۋلىق ساقتاۋ باسقارماسىنىڭ باسشىسى ءىلياس مۇحامەدجان. سونداي- اق ولاردىڭ تۇرعىلىقتى جەرلەرىندە سانيتارلىق- ەپيدەميولوگيالىق شارالار جۇرگىزىلۋدە. ەستەرىڭىزگە سالا كەتسەك، بۇگىن سەمەي قالاسىندا 2 ادامنىڭ كوروناۆيرۋس جۇقتىرعانى انىقتالدى. ەرلى- زايىپتىلار 21 - ناۋرىز كۇنى مىسىردان كەلگەن.