12:47, 28 - ناۋرىز 2020 | GMT +6
ەلوردادا تىنىس الۋى قيىن ادامدارعا ارنالعان قوسىمشا ءبولىم اشىلدى
نۇر- سۇلتان. قازاقپارات - ورتالىق جول اۋرۋحاناسىنىڭ تەراپيالىق كورپۋسىندا دياگنوستيكا جاسايتىن قابىلداۋ ءبولىمى ۇيىمداستىرىلدى.
بۇل تۋرالى حابار 24 ارناسىندا وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.
«27 - ناۋرىزدان باستاپ ورتالىق جول اۋرۋحاناسىنىڭ تەراپيالىق كورپۋسىندا دياگنوستيكا جاسايتىن قابىلداۋ ءبولىمى ۇيىمداستىرىلدى. ول پۋلمونولوگيا بويىنشا دەرتى بار ادامدارعا ارنالعان. ول جەردە تىنىس الۋ جولدارىندا اۋرۋلارى بار ادامدارعا قوسىمشا دياگنوستيكا جاساپ، كوروناۆيرۋس بار- جوعى جانە ەمدەۋ جولدارى انىقتالادى. وسى ماقساتتا پۋلمونولوگيا ءبولىمى 150 توسەككە كوبەيتىلدى» ، - دەدى نۇر- سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا.