+7 (701) 759 90 19
20 °С : نۇر-سۇلتان
31 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

قوستاناي وبلىسىندا جاڭا اۆتوموبيل مودەلىنىڭ ءوندىرىسى اشىلدى

28 ناۋرىز 12:41
:ءبولىسۋ
قوستاناي وبلىسىندا جاڭا اۆتوموبيل مودەلىنىڭ ءوندىرىسى اشىلدى

قوستاناي. قازاقپارات – ق ر پرەمەر- ءمينيسترى اسقار مامين قوستاناي قالاسىنا جۇمىس ساپارى بارىسىندا جەرگىلىكتى اۆتوموبيل زاۋىتىندا «Chevrolet» ماركاسىنىڭ جاڭا مودەلدەرى جەلىسىنىڭ اشىلۋ سالتاناتىنا قاتىستى.

بۇل تۋرالى قازاقپارات ءتىلشىسى ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

بۇل جوبانى قازاقستان مەن وزبەكستان اۆتوزاۋىتتارى بىرلەسىپ قولعا الدى. بۇگىن تەلەكوپىر اياسىندا ق ر پرەمەر- ءمينيسترى ا. مامين مەن ءور پرەمەر- ءمينيسترى ا. اريپوۆ «سارىارقا اۆتوونەركاسىپ» ج ش س جانە «UzAuto Motors» ا ق بىرلەسكەن جوباسىن رەسمي تۇردە ىسكە قوستى. جاڭا وندىرىستىك جەلىدە وسى جىلدىڭ سوڭىنا دەيىن 1 مىڭنان استام جوعارى ءونىمدى جۇمىس ورنى قۇرىلادى. بۇل قىزمەت كورسەتۋ مەن ءوندىرىس سەكتورلارى اراسىنداعى جۇمىس كۇشى اعىنىنىڭ ءوسۋى تۇرعىسىنان ەرەكشە ماڭىزعا يە. قازىرگى تاڭدا زاۋىت تولىق جۇكتەمەمەن ءۇش اۋىسىمدا جۇمىس ىستەيدى.


«قازاقستاننىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆ پەن وزبەكستان پرەزيدەنتى شاۆكات ميرومونوۆيچ ميرزيەيەۆ ەكىجاقتى قارىم- قاتىناستى ستراتەگيالىق ىنتىماقتاستىقتىڭ جاڭا دەڭگەيىنە شىعارۋعا نەگىز سالدى. قازاقستان پرەزيدەنتى قاسىم- جومارت كەمەل ۇلى توقايەۆ وزبەكستانمەن ءوزارا ءتيىمدى سەرىكتەستىكتى نىعايتۋ مەن دامىتۋعا ەرەكشە كوڭىل بولەدى» ، - دەپ اتاپ ءوتتى ا. مامين.


ق ر پرەمەر- ءمينيسترى ءۇشىنشى ساناتتاعى ەلدەردەن تاۋارلار مەن قىزمەتتەردىڭ يمپورتىنا تاۋەلدىلىكتى تومەندەتۋ ماقساتىندا قازاقستان مەن وزبەكستاننىڭ وندىرىستىك پروتسەستەرىن ينتەگراتسيالاۋدىڭ وزەكتىلىگى ارتىپ كەلە جاتقانىن اتاپ ءوتتى. جاڭا وندىرىستىك جەلىدە «Chevrolet» ماركالى ءاۆتوموبيلىنىڭ - Damas, Labo, Tahoe, Traverse, Trailblazer، Equinox, Malibu, Onix, Spark جانە ت. ب. بىرنەشە مودەلدەرى قۇراستىرىلاتىن بولادى. «Chevrolet Damas» اۆتوبۋسى مەن «Chevrolet Labo» جۇك ماشيناسىنىڭ قولجەتىمدى تۇپكىلىكتى قۇنى شامامەن 3 ميلليون تەڭگەنى قۇرايدى، بۇل ولاردىڭ ساۋدا، لوگيستيكا، اۋىل شارۋاشىلىعى جانە باسقا دا سالالارداعى شاعىن جانە ورتا بيزنەس ءۇشىن تارتىمدىلىعىن ارتتىرادى.



باستى سوزدەر: ةكونوميكا, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات