قازاقستاندا تۇڭعىش رەت ايەل وبلىس اكىمى بولىپ تاعايىندالدى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆتىڭ جارلىعىمەن گۇلشارا ناۋشا قىزى ءابدىقالىقوۆا قىزىلوردا وبلىسىنىڭ اكىمى بولىپ تاعايىندالدى دەپ حابارلايدى اقوردا.

«گۇلشارا ناۋشا قىزى ءابدىقالىقوۆا قىزىلوردا وبلىسىنىڭ اكىمى بولىپ تاعايىندالسىن» - دەلىنگەن جارلىق ماتىنىندە.

گۇلشارا ءابدىقالىقوۆا 1965 -جىلى 15 - مامىردا قىزىلوردا وبلىسى سىرداريا اۋدانى سۇلۋ- توبە اۋىلىندا دۇنيەگە كەلگەن. 1987 -جىلى جامبىل جەڭىل جانە تاماق ونەركاسىبى تەحنولوگيالىق ينستيتۋتىن ءبىتىردى، ەكونوميكا عىلىمدارىنىڭ كانديداتى. 1987 -جىلدان 1994 -جىلعا دەيىن قىزىلوردا وبلىستىق الەۋمەتتىك قامسىزداندىرۋ باسقارماسىنىڭ الەۋمەتتىك قامسىزداندىرۋ ءبولىمىنىڭ باس ينسپەكتورى، بۋحگالتەرلىك ەسەپ جانە باقىلاۋ ءبولىمىنىڭ باستىعى، تەكسەرۋ كوميسسياسى ءبولىمىنىڭ باستىعى. 1994-1995 -جىلدارى- قازاقستان رەسپۋبليكاسى جوعارعى كەڭەسىنىڭ حالىقتى الەۋمەتتىك قورعاۋ جونىندەگى كوميتەتىنىڭ كونسۋلتانتى. 1995-2003 -جىلدارى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىندە باسقارما باستىعىنىڭ ورىنباسارى، زەينەتاقىمەن قامتاماسىز ەتۋ باسقارماسىنىڭ باستىعى، الەۋمەتتىك قامتاماسىز ەتۋ دەپارتامەنتى ديرەكتورىنىڭ ورىنباسارى، الەۋمەتتىك قامتاماسىز ەتۋ دەپارتامەنتىنىڭ ديرەكتورى، حالىقتى زەينەتاقىمەن قامتاماسىز ەتۋ جانە كىرىستەردى رەتتەۋ دەپارتامەنتىنىڭ ديرەكتورى لاۋازىمدارىندا قىزمەت اتقاردى. 2003 -جىلدىڭ ناۋرىز ايىنان 2005 -جىلدىڭ جەلتوقسانىنا دەيىن- قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە- ءمينيسترى 2005 -جىلدىڭ جەلتوقسان ايىنان 2006 -جىلدىڭ قازان ايىنا دەيىن- «ءومىردى ساقتاندىرۋ كومپانياسى» اق باسقارما ءتوراعاسى. 2006 -جىلدىڭ قازاننان 2007 -جىلدىڭ قازانىنا دەيىن- قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە- ءمينيسترى. 2007 -جىلدىڭ قازاننان 2008 -جىلدىڭ قاڭتارىنا دەيىن- قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ جاۋاپتى حاتشىسى. 2008 -جىلدىڭ قاڭتارىنان 2009 -جىلدىڭ ناۋرىزىنا دەيىن - قازاقستان رەسپۋبليكاسى پرەزيدەنتىنىڭ كەڭەسشىسى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى. 2009 -جىلدىڭ ناۋرىزىنان 2012 -جىلدىڭ قىركۇيەك ايىنا دەيىن- قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى. 2012 -جىلدىڭ قىركۇيەگىنەن 2013 -جىلدىڭ قاراشاسىنا دەيىن - قازاقستان رەسپۋبليكاسى پرەزيدەنتىنىڭ كەڭەسشىسى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى.

2013 -جىلدىڭ قاراشا ايىنان 2014 -جىلدىڭ قاراشا ايىنا دەيىن- قازاقستان رەسپۋبليكاسى پرەمەر- ءمينيسترىنىڭ ورىنباسارى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى. 2014 -جىلدىڭ قاراشاسىنان 2019 -جىلدىڭ اقپانىنا دەيىن- قازاقستان رەسپۋبليكاسىنىڭ مەملەكەتتىك حاتشىسى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى. 2019 -جىلدىڭ اقپاننان باستاپ 2019 -جىلدىڭ تامىزىنا دەيىن - قازاقستان رەسپۋبليكاسى پرەمەر- ءمينيسترىنىڭ ورىنباسارى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتوراعاسى. 2019 -جىلدىڭ تامىزىنان باستاپ- VI سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، الەۋمەتتىك- مادەني دامۋ كوميتەتىنىڭ ءتوراعاسى بولعان.