يتاليادا ءبىر تاۋلىكتە كوروناۆيرۋستان كوز جۇمعاندار سانى رەكوردتىق دەڭگەيگە جەتتى
يتاليادا سوڭعى تاۋلىكتە 969 ادام قاۋىپتى دەرتتەن قايتىس بولعان. ازاماتتىق قورعانىس دەپارتامەنتىنىڭ مالىمەتىنشە، بۇل - پاندەميا باستالعالى بولعان ەڭ ۇلكەن كورسەتكىش. ونىڭ اراسىندا ءبىر كۇن بۇرىنعى ستاتيستيكاعا قوسىلماي قالعان 50 ادام بار. يتاليادا ۆيرۋس جۇقتىرعانداردىڭ جالپى سانى قىتايداعى كورسەتكىشتەن الدەقايدا اسىپ، 86498 ادامعا جەتتى. سوڭعى تاۋلىكتە ەلدە 4401 ادام جاڭادان كوروناۆيرۋسقا شالدىققان. توتەنشە جاعداي كوميسسارى دومەنيكو اركۋري ريمدە وتكەن باسپا ءسوز كونفەرەنسياسىندا مەديتسينالىق ماتەريالداردى جەتكىزۋگە اسكەري كولىك، ونىڭ ىشىندە تىكۇشاق تارتىلاتىنىن ايتتى. جوعارى دەنساۋلىق ينستيتۋتىنىڭ مالىمەتىنشە، يتاليادا ەپيدەميا ءورشۋى باسىلعان جوق، دەگەنمەن وعان دەيىن از ۋاقىت قالدى. ونى جۇقتىرۋ قارقىنىنىڭ باسەڭدەگەنىنە قاراپ بىلۋگە بولادى دەيدى ينستيتۋتتاعىلار. قازىرگى تاڭدا قاتەرلى ىندەتتى جۇقتىرعاندار اراسىندا 93151 اداممەن ا ق ش كوش باستاپ تۇر. ءبىراق وندا قايتىس بولعاندار سانى از - 1382 ادام.