كوروناۆيرۋستان كوز جۇمعان ايەلمەن بايلانىستا بولعانداردىڭ تەست ناتيجەسى جاريالاندى

تالدىقورعان. قازاقپارات - كوروناۆيرۋستان كوز جۇمعان ايەلمەن قارىم- قاتىناستا بولعان ادامداردىڭ تەست ناتيجەسى جاريالاندى، دەپ حابارلايدى قازاقپارات جەدەل شتابتىڭ تەلەگرامم پاراقشاسىنا سىلتەمە جاساپ.

الماتى وبلىسىندا كوروناۆيرۋستان كوز جۇمعان ايەلمەن قارىم- قاتىناستا بولعان 7 ادام انىقتالدى. 27 - ناۋرىز كۇنى تۇندە 4 ادامنىڭ تەست سىنامالارىنىڭ ناتيجەسى شىقتى. ولاردىڭ كوروناۆيرۋس جۇقتىرماعانى انىقتالدى. الايدا ولار ءالى دە دارىگەرلەردىڭ باقىلاۋىندا بولادى. قالعان ادامداردىڭ تەست ناتيجەسى ءالى دايىن ەمەس. ەستەرىڭىزگە سالساق، 26 - ناۋرىز كۇنى ەلىمىزدە ايەل ادام كوروناۆيرۋس دەرتىنەن كوز جۇمدى. ول اقمولا وبلىسى قوسشى اۋىلىنىڭ 64 جاستاعى تۇرعىنى. 13-17 - ناۋرىز ارالىعىندا الماتىدا جانە شۋدا قوناقتا بولعان.