الماتىداعى اۋرۋحانادان كوروناۆيرۋس جۇقتىرعان تاعى ءبىر ازامات ەمدەلىپ شىقتى

الماتى. قازاقپارات - الماتىدا قالالىق جۇقپالى اۋرۋلار اۋرۋحاناسىنان COVID-19 جۇقتىرعان تاعى ءبىر ناۋقاس ەمدەلىپ شىقتى، دەپ حابارلايدى قازاقپارات coronavirus2020.kz سايتىنا سىلتەمە جاساپ.

بۇل ناۋقاس 13 - ناۋرىز كۇنى تۇندە الماتىعا بەرلين- مينسك- الماتى چارتەرلىك رەيسىمەن ۇشىپ كەلگەن. ول ۆيرۋسقا قارسى ەمدى جانە تەراپيانىڭ تولىق كۋرسىن الدى. اۋرۋى جەڭىل تۇردە ءوتتى. ەمدەۋ كەزىندە جاعدايى ناشارلامادى. قازىر ول 14 كۇنگە ءۇي كارانتينگە جىبەرىلدى. ەسكە سالايىق، الماتى قالاسىنىڭ باس سانيتارلىق دارىگەرىنىڭ قاۋلىسىنا سايكەس، بورت تولىقتاي، 12 ادام، سونىڭ ىشىندە ەكيپاج مۇشەلەرى وقشاۋلاندىرىلىپ، ينفەكتسيالىق ستاتسيونارعا كارانتينگە جاتقىزىلعان. ەرتەڭ سوڭعى اناليزدەر راستالعاننان كەيىن تاعى ءبىر ناۋقاس شىعارىلادى. ول قالالىق بالالار جۇقپالى اۋرۋلار اۋرۋحاناسىندا جاتقان 12 جاستاعى قىز.