نۇر- سۇلتاننىڭ ساۋدا ورتالىقتارىنىڭ بىرىندە ايەل ادام قايتىس بولدى

نۇر- سۇلتان. قازاقپارات - نۇر- سۇلتان قالالىق پوليتسيا دەپارتامەنتىنىڭ باسپا ءسوز قىزمەتى «الەم» ساۋدا ۇيىندە قايتىس بولعان ايەل تۋرالى تۇسىنىكتەمە بەردى، دەپ حابارلايدى قازاقپارات ءتىلشىسى.

بۇگىن الەۋمەتتىك جەلىدە «الەم» ساۋدا ورتالىعىندا ءبىر ايەلدىڭ قايتىس بولعانى تۋرالى ۆيدەوجازبا پايدا بولدى. «27 - ناۋرىز كۇنى ساعات 12.27 دە «الەم» ساۋدا ءۇيىنىڭ ءبىرىنشى قاباتتاعى پاۆيلونىندا 70 جاستاعى ايەلدىڭ ءمايىتى تابىلدى. مايىتتە ەشقانداي دەنە جاراقاتى بولماعان. ونىڭ جەكە زاتتارىن تەكسەرۋ بارىسىندا باس اينالۋدان، بۇيرەكتىڭ سوزىلمالى قابىنۋىنان، گيپەرتونيا مەن باس اۋرۋلارىنان تابلەتكالار تابىلدى» ، - دەلىنگەن دەپاراتمەنتتىڭ رەسمي حابارلاماسىندا.

سونىمەن بىرگە، مارقۇمنىڭ قانت ديابەتى جانە ارتەريالدىق گيپەرتەنزيا اۋرۋلارى بويىنشا ديسپانسەرلىك ەسەپتە تۇرعاندىعى انىقتالدى.

«اتالعان فاكتى بويىنشا پوليسيا قىزمەتكەرلەرى سوتقا دەيىنگى تەرگەۋدى باستادى. قاجەتتى سوت- مەديتسينالىق ساراپتامالار تاعايىندالدى» ، - دەيدى دەپارتامەنتتىڭ باسپا ءسوز قىزمەتى جەتەكشىسىنىڭ مىندەتىن اتقارۋشى ەلميرا شاۋلەنوۆا.