18:01, 27 - ناۋرىز 2020 | GMT +6
ۇلى بريتانيانىڭ پرەمەر- ءمينيسترى كوروناۆيرۋس جۇقتىرىپ الدى
بريۋسسەل. قازاقپارات - ۇلى بريتانيانىڭ پرەمەر- ءمينيسترى بوريس دجونسون كوروناۆيرۋس جۇقتىرىپ الدى. بۇل تۋرالى ساياساتكەر جۇما كۇنى ۆيدەو ۇندەۋىندە ايتتى، دەپ حابارلايدى قازاقپارات مەنشىكتى ءتىلشىسى.
«سوڭعى 24 ساعاتتا مەندە اۋرۋدىڭ جەڭىل بەلگىلەرى پايدا بولا باستادى. مەنىڭ كوروناۆيرۋسقا تاپسىرعان تەستىم وڭ ناتيجە بەردى. قازىر وقشاۋلانىپ وتىرمىن، ءبىراق مەن ۇكىمەتتىڭ ۆيرۋسقا قارسى جۇمىسىن ۆيدەوبايلانىس ارقىلى جۇرگىزەتىن بولامىن»، - دەدى دجونسون.