قىتاي شەتەلدىكتەردىڭ ەلگە كىرۋىنە تىيىم سالماق

None
None
بەيجىڭ- توكيو-سەۋل. قازاقپارات – 28-ناۋرىزدان باستاپ قىتاي شەتەلدىكتەرگە ەلگە كىرۋگە تىيىم سالادى، دەپ حابارلايدى قازاقپارات ءتىلشىسى.

«قىتايلىق تاراپ تۇرۋعا ىقتيارحات جانە ۆيزاسى بار شەتەلدىك ازاماتتار ءۇشىن ەلگە كىرۋگە ۋاقىتشا تىيىم سالۋ شەشىمىن قابىلدادى. اتالعان شارا 2020 -جىلدىڭ 28 ناۋرىزىنان ەنگىزىلۋدە»، - دەلىنگەن ق ح ر مەملەكەتتىك كوشى قون باسقارماسىنىڭ حابارلاماسىندا.

قىتايدا كوروناۆيرۋس ىندەتىنىڭ تارالۋىنا جول بەرمەۋ اياسىندا حالىقارالىق جولاۋشىلار رەيستەرىنىڭ ۇشىپ- قونۋ سانىن ازايتۋ شەشىمى قابىلداندى. 2020 -جىلعى 29-ناۋرىزدا ساعات 00:00-دەن باستاپ ءاربىر قىتايلىق جانە شەتەلدىك اۋە كومپانياسى قىتايعا نەمەسە قىتايدان اپتاسىنا ءبىر رەيس قانا ۇشىرا الادى وتكەن تاۋلىكتە قۇرلىقتىق قىتايدا كوروناۆيرۋستان بەس ادام قايتىس بولىپ، ىندەت جۇقتىرعاندار سانى 55 ادامعا وسكەن، تاعى 537 ادام اۋرۋدان جازىلىپ شىقتى. ق ح ر دەنساۋلىق ىستەرى جونىندەگى مەملەكەتتىك كوميتەتى حابارلاعانداي، 55 جاڭا وقيعانىڭ ىشىندە 54 ى سىرتتان كەلگەن جانە بىرەۋى عانا قىتاي ىشىندە (شىعىس قىتاي، جىجياڭ پروۆينسياسى) جۇقتىرىلعان. ۆەدومستۆونىڭ مالىمەتىنشە، قۇرلىقتىق قىتايدا ىندەتكە شالدىققان ادامداردىڭ جالپى سانى 81,3 مىڭ ادام، سونىڭ ىشىندە 74,5 مىڭ ادام جازىلىپ، 3292 ادام قايتىس بولدى.

جاپونيا كوروناۆيرۋسقا قارسى كۇرەس بويىنشا شارالار قولدانۋ اياسىندا ەۋروپانىڭ 21 ەلى مەن يراننان كەلەتىن شەتەلدىك تۋريستەردىڭ ەلگە كىرۋىنە تىيىم سالدى. وڭتۇستىك كورەيادا كوروناۆيرۋسقا شالدىققان ادامدار سانى 9332 گە جەتتى، وتكەن تاۋلىك بويىنشا 91 جاڭا وقيعا تىركەلگەن (سونىڭ ىشىندە 34 ى تەگۋ قالاسىندا) دەپ حابارلايدى وڭتۇستىك كورەيالىق اۋرۋلاردى قاداعالاۋ جانە الدىن الۋ ورتالىعىنان. جالپى العاندا 4,5 مىڭ ادام اۋرۋحانادان ەمدەلىپ شىقتى، ىندەتكە شالدىققان 4,6 مىڭنان استام ادام مەديتسينالىق مەكەمەلەردە جاتىر.

سوڭعى مالىمەتتەر بويىنشا، الەمدە ىندەتكە شالدىققان 534506 ادام (+59419 سوڭعى تاۋلىكتە) تىركەلگەن، ۆيرۋستان 24187 (+2787) ادام قايتىس بولىپ، 119951 (+9293) جازىلىپ شىقتى.

سوڭعى جاڭالىقتار